Машина құрастырудың толыққанды кластері

Жаңалықтар

19.01.2018, 18:37

Қазақстанда индустриалдық-инновациялық бағдарламаны жүзеге асыру шеңберінде темір жол көлігі машина құрастыру ісінің толыққанды кластері құрылды деп сеніммен айтуға болады. «General Electric», «Alstom», «Patentes Talgo S.L.», «SIEMENS» сынды машина құрастыру ісінің әлемдік көшбасшыларымен серіктестікте инновациялық технологиялар трансфертін қоса алғанда қазіргі заманғы жылжымалы құрам өндірісі ұйымдастырылды. Қазақстандық кәсіпорындарда жүк және жолаушылар тепловоздары, электровоздар, жолаушылар және жүк вагондары, жолдың жоғары төсемдеріне арналған материалдар, атап айтқанда, рельстер, бағыттама бұрмалары, айқастырмалар, темір бетон брустары, шпалдар, рельс бекітпелері, жөндеу жиынтықтары т.б. шығарылады. Еске сала кетсек, тәуелсіздік алған жылдары 309 тепловоз, 68 электровоз, 614 жолаушылар вагоны, 8000 жүк вагоны және 200 мың тоннадан көп рельс сынды отандық өнім шығарылған. Өз кезегінде, бұл темір жол өнімдерінің жаңа отандық өндірісін, қосалқы бөлшектер, толықтырушы, тораптар және жылжымалы құрамға арналған құралдарды дамытуға негіз болды. Отандық темір жол машина құрастыру ісінің кластеріне қосалқы бөлшектер, материалдар, толықтырушы өнімдер өндірісі бойынша 189 шағын және орта бизнестің кәсіпорыны жатады. 12 мыңнан астам жаңа жұмыс орындары ашылып, 5120 аталымда теміржол өнімдері игерілген. Шығарылған өнімдердегі қазақстандық үлестің көлемі 30%-дан 50%-ға дейінгі аралықта. Бүгінгі таңда кәсіпорындарда шығарылатын өнімдердің қатарын ұлғайту және жаңғырту бойынша жұмыстар жүргізілуде. Атап айтқанда, 2016 жылы «Тұлпар-Тальго» ЖШС кең шанақты жолаушылар вагондарын өндіруге кірісіп, сол арқылы жолаушылар үшін әлдеқайда жайлы жағдайды қамтамасыз етті. Төрт құрам сертификациялық сынақтан өтіп, қазірден-ақ сұранысқа ие бағыттарда қатынауда, соның ішінде бір құрам Алматы – Ташкент халықаралық бағытында жүріп тұр. Бұған қоса инновациялық жылжымалы құрам өндірісі басталды: мысалы, ашық вагондар, астық таситын вагондар, фитинг платформалар, бұларда жүк көтерімділігі 20 пайызға арттырылған, фитинг платформалар сыйымдылығы 2 есе артқан. ТЭП-33А сериялы жолаушылар тепловозы және KZ4AT сериялы жолаушылар электровозының өндірісі басталды. Ұзындығы 120 метрлік ыстыққа бейімделген рельс шығару игерілді, бұл өндіріс бұрын ТМД елдерінде жоқ еді. «ҚТЖ» ҰК» АҚ Елбасының «Қазақстанның үшінші жаңғыруы: ғаламдық бәсекеге қабілеттілік» атты Жолдауын жүзеге асыру үшін ірі темір жол құрастыру кәсіпорындарына өнімдерін экспорттау үшін қолдау білдіруде белсенді жұмыстар жүргізуде.Темір жол өнімдерінің экспорттық әлеуеті 3 млрд-тан астам АҚШ доллары көлемінде бағаланады, ал нарық географиясы шамамен 18 елді қамтиды. Бүгінде Еуразиялық құрлық елдері нарығына 100 млн-нан астам АҚШ доллары тұратын қазақстандық өнім қойылған. Мысалы, тепловоздар Қырғызстан, Тәжікстан, Әзербайжан, Түрікменстан, Украинаға, барлығы 23 бірлігі экспортталған. Сол сияқты Өзбекстан, Ресей, Беларусь, Украина, Грузия елдеріне 15,8 мың тонна рельс жіберілсе, 1200 бағыттамалы бұрма 816 дөңгелек бандажы Әзербайжанға жөнелтілген.

Машина құрастырудың толыққанды кластері

Басқа да жаңалықтар

«Қазақстан теміржолшысы» газетінің 2025 жылғы 8 мамырдағы арнайы саны