Бейнеттің зейнетін көргісі келеді...
Жаңалықтар
13.02.2018, 11:57
![](https://rail-news.kz/uploads/posts/old/railnews5bc492b7148af7.70794994.jpg)
Темір табанды жол қауіпсіздігін қамтамасыз етіп жыл он екі ай жол бойында жүретін жаны сірі жолшылар еңбегін қалай дәріптесек те артық емес. Әрине, бүгінде жол жөндейтін ауыр техникалардың көмегі аз емес, дегенмен басқа басқа, жол шаруашылығында адамның күші қашан да қажет. Жолшылардың жұмысын техника толық алмастыра алмайды.
Қара жұмыс өз алдына, жыл он екі ай ашық аспан астында еңбек ететін жолшылардың көбі ерте қартайып, тынымсыз тірліктің нәтижесі денсаулықтан айрылатыны да жасырын емес. Көбі бейнеттің зейнетін көрмей, қарттықтың қызығын тамашалай алмай өмірден ертерек өтіп кететінін де көріп жүрміз. Сондықтан, жолшылардың да 57 жастан кейін салалық зейнет жасына шықсақ деген тілегі бар. Мұны біз жолшылармен әңгімелескенде жиі естиміз.
Шымкент жол дистанциясында үшінші айналымның жол шебері Мұхит Омаров бастаған жігіттер Шымкент – Қызылсай теліміне қарасты жол бойының қауіпсіздігіне жауап береді. Олар қаңтардан бері әр жолшыға берілген бес шпалды екі жолшы бірлесіп көтеріп, күн сайын Шымкент – Қызылсай телімінде оншақты шпалды жаңартуда. Үшінші айналым жолында Ералы Сейдазовтың осы мамандықтың ыстық-суығына төзіп жүргеніне ширек ғасырға жуықтаған. Тәуірбек Ертаев жиырма бір жылдан бері өз кәсібінің шебері атанған. Мұхит Омаровтың жолшының ауыр жұмысын иығына ілгелі 15 жыл толыпты. Бекмұрат Төлбаев 12, Шәймерден Дүйсенбаев 10 жылдан бері жол жамап, қауіпсіздікке бір кісідей үлес қосуда. Жол шаруашылығының ыстығына күйіп, суығына тоңған бұл кәнігі мамандар кейінгі келген жастарға кәсіптің қыр-сырын үйретіп, жолшылардың жаңа буынын тәрибелеуде.
-Күннің суығында рельстер тартылып, арасы саңылауланады. Сондықтан, қыста негізінен арасы ашылған рельстерді ауыстырып, қайта бекітеміз. Бұдан бөлек ағымдық жұмыстар бар. Біздің жігіттер Шымкент станциясындағы 23 жолдың 1-12 жолына жауапты. Қалған 13-20 жолға төртінші айналым жолының мамандары қарайды,– дейді Мұхит Омаров.
Өткен жылдың соңында, желтоқсан айында Түлкібас – Шымкент – Арыс – Түркістан – Сарыағаш телімдері бойындағы 43 км ағаш шпалдар тегіс темірбетонға алмастырылды. Осы науқанда үшінші айналым жолшылары демалыс тіпті мереке күндері үй бетін көрмей еңбек етті. Жұрт тынығып жатқан Тәуелсіздік күні де төрт күн қатарынан шпал ауыстырып, астындағы қиыршық тастарды жаңалады. Қыстың ауасында бел шешпей еңбек етіп, тапсырманы уақытылы орындағаны үшін Шымкент магистральді желі бөлімшесінің бастығы Марат Оңалов жігіттерге ризалығын білдірген.
Желтоқсанда жаңаланған жолдар бүгінде өз жемісін беруде. Телімде пойыздар жылдамдығы артып, жол қауіпсіздігі анағұрлым артқан.
Динар МЕЙІРМАН, Шымкент
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді