Түбек теміржолшылары ортасында

Жаңалықтар

03.04.2018, 14:43

Өңірге жұмыс сапарымен келген Парламент Мәжілісінің депутаттары Бақытгүл Хаменова, Ирина Унжакова, Тарас Хитуов, Ерлан Барлыбаев Маңғыстау жүк тасымалы бөлімшесінде болып, теміржолшылармен кездесті. Кездесу Президенттің бес әлеуметтік бастамасымен таныстырып, түсіндіруге арналды. Сапар мақсатына сай сөз алған мәжілісмендер Мемлекет басшысының әрбір бастамасын жеке-жеке тарқатып, халық үшін береріне тоқталды. – Елбасы осы бағдарламаны халыққа қолжетімді ету үшін нақты тапсырма берді. Үкімет соны қалай орындайды, сондықтан да сіздердің орталарыңызға келіп, пікірлеріңізді біліп, Үкімет мүшелеріне, министрлікке жеткізу – біздің мақсатымыз. Сауалдарыңыз, уәждеріңіз болса, оны да тыңдауға әзірміз, – деді депутат Б.Хаменова. Өзге халық қалаулылары да бастамадағы денсаулық, білім алу, т.т. игіліктер жайын сөз етіп, сондай-ақ Т.Хитуов "көгілдір отынға" мұқтаж өңірлердің газ мәселесін шешу туралы, Е.Барлыбаев "7-20-25" бағдарламасы бойынша айтса, И.Унжакова табысы төмен жұмысшылардың жалақысына қолданылатын салықтық жеңілдік жөнінде ақпар берді. Теміржолшылар атынан Маңғыстау жүк тасымалы бөлімшесі директоры Нәжімеден Ғұбашов пен өңірдегі теміржолшылар кәсіби одағының төрағасы Әзірбай Тұрмағанбетов сөз алып, мәжілісмендерді аймақ теміржолындағы жаңалықтардан құлағдар етті. Жиыннан кейін халық қалаулылары бөлімшені аралап, диспетчерлік орталық жұмысымен танысты.

Түбек теміржолшылары ортасында

Басқа да жаңалықтар

Қазақстан теміржолшысы газеті, №31 24 сәуір 2026 жыл