Теңдік – теміржолшылар игілігінде
Жаңалықтар
06.04.2018, 15:10
![](https://rail-news.kz/uploads/posts/old/railnews5bc494a7d43225.13632843.jpg)
Атырауда мұнай тасымалын оңтайландыру мақсатында қолға алынған ірі жоба – Теңдік станциясын қайта жаңарту жұмыстары түгелдей аяқталып, өткен жылдың тамыз айынан бастап өңір теміржолшыларының басқаруына берілді. Атырау мұнай өңдеу зауытына келетін вагон-цистерналар енді Теңдік станциясынан әрі қарай зауыттың сұрыптау станциясы арқылы өткізіледі.
Арнайы жоба бойынша салынған зауыт ішіндегі Промышленная станциясында 11 жол бар. Вагондар сонда сұрыпталады. Пойыз бұрынғыдай Ақжайық станциясына соқпай, Теңдіктен зауыттың сұрыптау станциясына тікелей келеді де, әрі қарай зауытқа жол тартады. Осылайша Теңдік пен Промышленная станциясы бір-бірімен қоян-қолтық жұмыс жасауда. Зауыт станциясы Теңдікке толық құрамды пойыз дайындап береді, соңғысы оларды жан-жаққа таратады. Жоғарыда айтқанымыздай, Теңдік станциясы 2017 жылдың тамыз айынан бастап Атырау магистаральдық желі бөлімшесіне қарайды. Теңдік пен Мақат станциясының телімі 118 шақырымды құрайды. Олардың аралығында Қарабатан, Ескене, Доссор станциялары мен разъездер бар. Мақат әр тарапқа жол тарайтын желілік станция болғандықтан, жан-жақтан жүк және жолаушы пойыздары сол арқылы өтеді.
Өндірісте – тек озық технология
Теңдік станциясының бастығы Болатбек Меңдешов – тәжірибелі маман. Еңбек жолын пойыз құрастырушыдан бастап, станция кезекшісі, жетекші инженер, салалық ревизор, Атырау станциясында бас инженер, Атырау жол бөлімшесінің өндірістік-техникалық бөлім бастығы лауазымдарын атқарған. Яғни теміржолды, оның салалық жұмыстарын өте жақсы біледі, бейнелеп айтқанда «майын ішіп, жілігін шағады» деген сөз. Сондықтан да оған осындай алып станцияны басқаруға сенім артылып отыр. Бұрын тәулігіне 15-20 вагон тиелген болса, бүгінде станцияда тәулігіне 240 вагон тиеліп, 30-40 вагон жүк түсіріледі.
– 4-ші класты Теңдік станциясы ҚТЖ теңгеріміне қабылданып, станцияның өткізу қабілеті бұрынғыдан бірнеше есеге артты. Станцияда соңғы технология бойынша жабдықталған «МПЦ-И» орталықтандырылған басқару пульті орналасқан су жаңа ғимарат бой көтерді. Ол – әрі станция вокзалының әкімшілік кеңсесі. Онда станция бастығы, станция кезекшісі, оператор, вагон қараушылар, байланысшы, жолшылар, электр энергиясымен қамту, кеден, басқа да қызметкерлер үшін арнайы бөлмелермен жабдықталған. Дербес газ, су, жарық, кәріз жүйелері жүргізілген. Қысты күнгі суықта үнемі далада жүретіндіктен, жолшыларға арнап жылынатын бөлме де салынған. Станция аумағында жоғары матчталы, биіктігі 25 метрлік 17 дана жарық бағандары орнатылған. Оның әрқайсысында 8 прожектордан бар, сонда барлығы 136 прожектор станцияға күндізгідей жарық беріп тұр. Басқасын айтпағанда, бұл ең алдымен күні-түні тынымсыз еңбек етуші вагонқұрастырушылар үшін өте жақсы болды,- дейді станция бастығы.
Станция басында бұрынғы 2 жолға қосымша жаңа 2, 4, 6-шы 3 қабылдап-жөнелту және 1 құрастыру жолы салынған. Олардың жалпы ұзындығы 5690 метрді құрайды. Бұл станцияның өткізу қабілетін бұрынғыдан бірнеше есеге арттырғаны анық. Бүгінгі таңда, магистральдық қатынасты есептемегенде, Атырау мұнай өңдеу зауытына тәулігіне 19 жұп пойыз қабылдап-жөнелтіледі. Станциядағы пойыздар қозғалысы, маневр жұмыстары, вагон қабылдап-жөнелту монитор арқылы автоматты түрде бақыланып отырады, бұл станция кезекшілерінің жұмысын едәуір жеңілдеткен.
– Сонымен қатар, 9 дана бағыттамалы бұрма іске қосылып, олар автоматты түрде ажыратылып, қосылады. Станция басында қуаттылығы 50 киловатт алып дизель генераторы бар ғимарат салынған. Егер жарық сөніп қалған жағдайда, генератор автоматты түрде қосылып, станция жұмысына «жан» береді, жұмыс тоқтамайды. Сондай-ақ 37 жаңа светофор орнатылды. Радио, телефон байланысы, станция паркіне таралатын дыбыскүшейткіш, машинистермен байланыстың бәрі соңғы үлгідегі қондырғылар арқылы жабдықталған. Қысқасы, станция соңғы технологиялармен жабдықталған үлкен өндіріс алаңына айналды. Мұнда қазір жұмыс көлемі өте қомақты, – дейді Б.Меңдешов.
Жас мамандар жұмысқа тартылды
Теңдік станциясында бүгінгі күні 62 адам жұмыс жасайды. Оның ішінде 6 пойыз құрастырушы, 5 станция кезекшісі, 13 жүк кассирі, 15 тасымалдау құжаттарын өңдеу операторы, 13 жүк-багаж қабылдаушы, 4 белгі беруші, 5 ЭВМ операторы, 1 тауар кеңсесінің бастығы бар. Бұрын 10 шақты адам болған станция ұжымы бүгінде 50-дің үстінде жаңа мамандармен толықты. Жаңа жұмыс орындары ашылып, ондаған жас мамандардың жұмысқа орналасуына мүмкіндік ашылды. Солардың бірі тауар кеңсесінің бастығы Дина Тұрақбайқызы станцияға келген вагон, түсірілген-тиелген жүктер құжаттарының талапқа сай дұрыс рәсімделуін қадағалайды. Ал станция бастығының орынбасары Азамат Мұздақов та жұмысты пойыз құрастырушыдан бастаған, Ақжайық станциясында инженер болып жұмыс істеген. Ол да өз ісін жетік білетін, талай сыннан өткен маман әрі Ақжайық станциясындағы мұнай өңдеу зауыты мамандарымен бірлескен жұмыс тәжірибесі де бар, енді соны жаңа жұмыс орнында пайдалануда.
Табыс көзі – тынымсыз қозғалыс
Станция басында әр уақытта қайнаған тірлік. Станциялықтар тынымсыз қозғалыс табыс көзі екенін жақсы біледі. Станция бастығы таңертең ертемен жұмысқа келгеннен қанша вагон келді, қанша кетті, қайда жөнелтілді деген секілді ақпарды жинап, бөлімшеге есеп береді. Сонан соң, бүгінгі күнге қанша пойыз-вагон қабылдауға мүмкіндігі барын хабарлайды. Тиісті мамандармен жедел жиын өткізіп, нұсқаулықтар береді. Сонан соң желі бойына шығып жолды тексереді. Түстен кейін тағы да келіп-кеткен пойыздар жұмысы қайта сараланады. Станцияда тәулігіне 240 вагон тиеліп, 30-40 вагон жүк түсіріледі. Тиелген жүктер Атырау, Мақат, Ақсарай станцияларына жөнелтіледі. Соның ішінде Мақат пен Ақсарайға вагондар Зауыттан толық құрамда шығады, 60-70 вагоннан. Ал сұрыпталатын вагондар Атырау станциясына жіберіліп, сол жерден Мақат, Махамбет, Ақжайық станцияларына беріледі. Мақат станциясына дизель, бензин, бензол сынды ашық түсті өнімдер жіберілсе, Ақсарайға мазут, вакуум газойл, кокс өнімдері кетеді. Ол бағытта 5 СКД-6 қытайлық маневр тепловоздары өнім тасымалдайды. Келген бос цистерналардың жарамдылығы тексеріліп, Промышленная станциясына беріледі. Онда «Батыс-Петролеум» ЖШС-нің Жуу-булау станциясы керек цистерналарды жуып, эстакада астына тосады. Яғни қай станцияда да жолға май ағу фактісі жоқтың қасы. Ол бір жағынан экологиялық талаптарды сақтайтыны рас. Жалпы, Теңдік станциясының 12 кірме жолы бар. Оларда да жүк түсіріліп-тиеледі. Міне, станция бастығы осы жұмыстардың қай-қайсысының да күн ұзағына басы-қасында. Өткен екі айда жүк тиеу көлемі 85,8 пайызға, жүк түсіру 93,3 пайызға орындалған.
Станция арқылы 12 жұп жолаушылар пойызы да өтеді. Атап айтқанда, Атырау-Астана, Атырау-Алматы, Атырау-Маңғышлақ, Атырау-Ақтөбе, Москва-Душанбе, Саратов-Ташкент, Волгаград-Ташкент, Москва-Худжант сынды халықаралық пойыздар да өтеді. Теңдік елді мекенінде бүгінде 50 шақты отбасы тұрады. Олар, негізінен, Теңдік станциясында еңбек еткен зейнеткер-теміржолшылар және бүгінгі күні еңбек етіп жатқан солардың ұрпақтары.
Қосұйым Мұқашев, Атырау
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді