Бірінші кезектегі міндет

Жаңалықтар

06.04.2018, 15:15

Сексеуіл-Жезқазған жаңа телімі іске қосылғалы бері Сексеуіл 2 класты учаскелік станцияның жауапкершілігі артып, жылжымалы құрамдарды реттеп жөнелту жұмыстары көбейіп, талдау станциясы секілді жұмыс жасауда. Сексеуілдік теміржолшылар өткен жылдың 845 вагоннан жүк түсіру межесін 1871 вагонға жеткізіп, вагондардан 113998 тонна жүк түсірген. Бұл алдыңғы жылмен салыстырғанда 320 вагонға артық. Ал жүк тиеу жұмысына жоспар бекітілмегенмен, өткен жылы 24 вагонға 1166 тонна жүк тиеген сексеуілдік теміржолшылар ағымдағы жылдың алғашқы айында 2 вагонға 70 тонна жүк тиесе, 162 вагоннан 9962 тонна жүк түсірген. Статистикалық жүктеме, вагон паркінің пайдалануы жоспарлары да орындалған. Станция жолдарында 366 488 жүк вагонының құжаттары рәсімделуге беріліпті. Олардың арасында 5674 вагон 725 локомотивпен берілсе, ұзын құрамды 1320 пойыздан 8707 жүк вагоны ағытылып, 7293 вагон 1388 пойызға тіркелген екен. Барлығы 3180 пойыз құрастырылған. Бұл алдыңғы жылмен салыстырғанда 77505 вагонға артық деген сөз. Бөлімшенің солтүстік шегіндегі учаскелік станция теміржолшыларының жұмысы Сексеуіл-Қоскөл жаңа телімімен өткізілетін пойыздардың станцияда аялдап, реттелуімен бұрынғыдан да артып отыр. -Станцияға келіп-кеткен жүк вагондарын үздіксіз қабылдап, ағытып қайта құрастыру, тексеру, құжаттарын ресімдеп, уақытылы жөнелту сынды жұмыстар тәулік бойы жүргізілуде. Әрине, қозғалыс қауіпсіздігінің сақталуын қамтамасыз етілуі – бірінші кезектегі міндет, – дейді Сексеуіл станциясы бастығының орынбасары Әбдіуәли Жапақов.

Бірінші кезектегі міндет

Басқа да жаңалықтар

Қазақстан теміржолшысы газеті, №32-33 28 сәуір 2026 жыл