Ана көрген тон пішер

Жаңалықтар

06.04.2018, 15:46

Кейіпкеріміз – қонажай да көрікті келіншек Гүлмира Расылханқызы, былайша айтқанда «Жолсеріктер әулетінен» шыққан. Ол қалай дейсіз бе, әкесі Расылхан Жәнібеков пен анасы Сейсекүл Өтеулиева саналы ғұмырларын осы мамандыққа арнаған ерлі-зайыпты жолсеріктер болған екен. Өкінішке орай, Расылхан әке бұл дүниеден ертерек озыпты. Ал, Сейсекүл ана осы мамандықтың майталманы атанып, құрметті зейнет жасына шығып, ақжаулықты әже атанып отырған жайы бар. Өзінің айтуынша, Гүлмираның осы жолды таңдауына анасының ықпалы зор болған. Шойынжол көлігінің ресторан-вагонында жолсерік-асханашы болып еңбек ететін ол жолда жүруді сүйікті ісі санайды. Бір қызығы, Гүлмира өзінің анасы талай жыл еңбек етіп, зейнетке шыққан вагонда қызмет жасауда. Анасы зейнетке шыққан он екі жылдан бері вагонда еңбек етіп келеді. Демек, он бір жылдық еңбек жолында вагон ауыстырмай, өз ісінің қыр-сырына әбден қаныққан білікті маманға айналған десек, қателеспейміз. – Анам зейнетке шыққан жылы осы вагонға жұмысқа орналастым. Бұл тек керемет сәйкестік. Анамның абыройлы еңбек жолын жалғастыруға барымды салып жүрмін. Жолаушылардың көңіл-күйі жақсы болу үшін сапалы қызмет көрсетуге тырысамын. Бала кезден жолда жүріп, еліміздің кең даласын аралағанды жанымдай жақсы көретінмін, бүгінде сол бала күнгі арманымның орындалғанын әр сапарда сезінемін, – дейді Гүлмира. Гүлмира Расылханқызы мақтаулы жолсерік қана емес, үш бала тәрбиелеп отырған мейірімді де аяулы ана. Үлкен ұлы қаржы саласында еңбек етіп жүрсе, кіші ұлы мен қызы – мектеп оқушылары.

Ана көрген тон пішер

Басқа да жаңалықтар

Қазақстан теміржолшысы газеті, №56 24 шілде 2026 жыл