Жүзағаштың жүгі ауыр
Жаңалықтар
15.05.2018, 15:56
![](https://rail-news.kz/uploads/posts/old/railnews5bc49594dcb512.86391070.jpg)
Теміржол желісінің ел шығысы мен Алматы облысын қосар тұсында орын тепкен бесінші класты Жүзағаш станциясындағы қызмет маусымдық жағдайға байланысты қарқын ала бастады.
Оның басты себебі, іргедегі, төрт бағытта жұмыс істейтін Ақтоғай станциясында пойыздарды қабылдап алу, жөнелту шаралары күрделеніп, жүк тасымалдайтын жылжымалы құрамдар қозғалысы жиілей түскен.
Жүзағаш станциясының бастығы Мұратқазы Оралбаев үшін аптаның алғашқы жұмыс күні әдеттегіден қауырт өтеді. Өйткені, бұл күн белгіленген тәртіп бойынша «Станция бастығының күні». Сондықтан да, тексеру шаралары қалыптасқан дағды бойынша таңертеңгісін бағыттама басынан басталады. Бұл ретте білікті басшы Мұратқазы Бүркітбайұлы тым талапшыл. Жанына жолшылар бригадирі мен электромеханикті ертіп алып, қадағалау шараларына қарқынмен кіріседі. Желіге тиесілі жол бойы мен СЦБ құрылғылары, бағыттамалы бұрмалар, байланыс желілері түгелдей дерлік назардан тыс қалмайды. Мұндайда, бір ғана осынау Жүзағаштағы 35 жыл бойы қалыптасқан мол тәжірибе, мұқияттылық пен табиғи байқағыштық станция бастығы үшін көмекке келеді. Осынау байырғы станциядағы теміржолшылардың барлығы да былайғы уақыттарда әзілдері жарасқан әріптестер болғанымен қызмет барысында достық жүрмейді. Станция бастығы кінәрат жібергендерге қатал. Қолтығына қыстырған «ДУ-46» журналына табылған ақаулықтарды тіркеп жазып, оны қалпына келтіру мерзімін де белгілеп қояды. Бір бұл емес, әрине, қорытынды хаттама да толтырады. Бүгінгі тексеру барысы ешқандай ақаулық жоқ екендігін көрсетіп берді.
Дәл осы станцияда туып-өсіп, ғұмыр бойы табан аудармай еңбек етіп келе жатқандықтан болар, станция бастығы мұндағы теміржолға тиесілі нысандардың барлығын, әр бөлшегін жатқа біледі. Сондай-ақ, аймақтағы жер-су атаулары мен тарихи нысандардың шежіресіне де қанық.
– Біздің станцияның атауын «Жүзағаш» деп сонау Түрксіб дәуірінде, желі бойына жұмыс сапарында қазақтың қайраткері ұлы Тұрар Рысқұловтың өзі қойған деседі. Бұл – жас кезімде осында еңбек еткен көнекөз теміржолшылардан естіген әңгімем. Сол сала ардагерлерінің аманатын арқалап, туған жерде қызмет атқарып келемін, – деп сыр шерткен Мұратқазы Бүркітбайұлының өзі теміржолшылар әулетінен. Жалпы еңбек өтілі 400 жылдан асатын Оралбаевтарды семей өңірінің халқы жақсы біледі. Ең кереметі сол, жалғыз Мұратқазы емес, бір әкеден тараған жеті ұлдың бесеуі станция басқарыпты. Ұлттық компанияның биылғы жылды «Станция бастығы жылы» деп жариялағаны бес бірдей станция бастығы шыққан әулетке үлкен құрмет болмақ.
Жүзағаш станциясының бастығы күнделікті қызмет барысында ширақ қимылдауға дағдыланған. Оның себебі де жоқ емес. Семей ЖТ бөлімшесінің ең шеткі станциясы болғандықтан Жүзағаштың жүгі тым ауыр. Бүгінде жүк тасымалы бойынша тәулігіне 20 шақты жұп, 15 тақ пойызды Алматы бөлімшесіне өткізеді. Дегенмен бұл жұмыстың күрделілігі сол, төрт тараптан жылжымалы құрамдарды қабылдайтын Ақтоғай станциясы кейбір күндерде желі бойының босамауына байланысты пойыздарды қабылдамаса, олардың барлығы осы станцияда іркіледі екен.
– Біздің станция бойынша пойыздар көбінесе таңертеңгілік пен кешкі мезгілде қауырт өткізіледі. Мұндай жауапты сәттерде Семейдегі басшылар, бөлімше диспетчерлері бар, барлығымыз аяғымыздан тік тұрамыз. Жылжымалы құрамдар іркілмеуі тиіс, әсіресе ауыр салмақты пойыздарды кідіртуге жол берілмейді, – дейді Мұратқазы Бүркітбайұлы.
Жүзағаш станциясына қарасты телім бойының тағы бір ерекшелігі – бүкіл Семей теміржолы бойынша тек Ақтоғай мен Таңсық станциялары аралығында ғана ең жоғары жылдамдықпен қозғалуға рұқсат етілген. Тальго пойызы сағатына 120 мен 140 аралығында зымырайтын болса, жүк пойыздары 90 км, ал өзге жолаушы пойыздары сағатына 100 км жылдамдықпен қозғала алады.
– Міне, мұның барлығы жүзағаштық теміржолшылар үшін жауапкершілікті еселей түседі. Сондықтан, бесінші класты станция болғанмен Жүзағаштың жүгі ауыр, – дейді станция бастығы.
Қуаныш ҚОЖАЕВ, Семей
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді