Қуат көзінің қауіпсіздігі сөз болды
Жаңалықтар
12.06.2018, 11:52
![](https://rail-news.kz/uploads/posts/old/railnews5bc496ad460498.02989817.jpg)
Ақтөбе электрмен жабдықтау дистанциясының бастамасымен Шұбарқұдық станциясында қауіпсіздік және еңбек қорғау аясында «Электр қондырғыларын қауіпсіз пайдалануды ұйымдастыру» деген тақырыппен дәстүрлі семинар-кеңес болып өтті.
Қуат көзімен қамтамасыз етушілер басын қосқан аталған шара өндірістегі қауіпті жағдайларды, жарақатты болдырмау және оқыс оқиғалардың алдын алу мақсатында ұйымдастырылды. Жыл сайын осы мезгілде қолға алынып келе жатқан семинарда болашақта жасалатын жұмыстар да сөз болады.
Осы жолғы шараға барлық электрмен жабдықтау аудандарынан 25 адам қатысты. Бағдарлама бойынша түске дейін теориялық жұмыстар, түскі үзілістен кейін практикалық жаттығу өткізілді, сонымен қатар, қызметкерлердің шеберліктері пысықталды.
Алғашқы сөз кезегін алған шараны ұйымдастырушылардың бірі Ақтөбе электрмен жабдықтау дистанциясының директоры Сәкен Орынбаев шараның бағдарламасына тоқтап өтті. Оның пайымынша, қазіргі таңда жалпы электрификация және энергетика департаменті бойынша өндірістік жарақаттар саны азаймай тұр.
«Мысалы, 2016 жылы электрификация және энергетика саласы бойынша 7 оқиға болған, оның ішінде 1 адам өндірістік жарақаттан қаза болған. 2017 жылы 8 оқиға орын алған, абырой болғанда, адам өлімі болмаған, бірақ әртүрлі өндірістік жарақаттарға жол берілгені рас», – деді өз сөзінде дистанция басшысы.
Сөз кезегі мекеменің бас инженері Қуаныш Әленовке келгенде, ол Ақтөбе дистанциясы бойынша соңғы бес ай көлемінде қауіпсіздік және еңбек қорғау бойынша жасалып жатқан жұмыстар барысына тоқтап өтті.
«Осы жылдың бес айында да, өткен жылдың осы уақыт аралығында да дистанция бойынша өндірістегі жарақат алу дерегі тіркелмеді. Өндірістік-техникалық блок арнайы киіммен қамтамасыз ету жөніндегі уақытылы тапсырыс жасап келеді. Зиянды өндіріс орнындағы қызметкерлерді емдік-профилактикалық өніммен қамтамасыз етіп келеді. Өнеркәсіптегі қауіпсіздік жөніндегі нормативтік актілерге түзету енгізілмеді», – деді Қуаныш Әленов.
Өз кезегінде қонақтарды қабылдап отырған тарап – Шұбарқұдық электрмен жабдықтау дистанциясының басшысы өздеріне қарасты учаскеде атқарылып жатқан жұмыстарды тілге тиек етті. Мәселен, 2017 жылы Темір телімінде, Шұбарқұдық пен Қандыағаш аралығында электр қуатын жеткізетін жаңа қондырғылар орнатылған. Сонымен бірге, Шилісай, Қарауылкелді мен Сағыз телімінде электр қондырғыларының алмастырылғаны айтылды.
Семинар-кеңеске қатысушылар Шұбарқұдық электрмен жабдықтау желілік ауданының жұмыс орындарын аралап шықты. Мұндағы электр қондырғыларының жағдайымен танысты. Сонымен бірге, оқу-жаттығу полигонында болған меймандар наряд беру, инструктаж, жұмыс орнын дайындау, рұқсат беру, жұмысты тындыру, наряд жабу секілді процестерді пысықтады.
Шара соңында теміржолшылар пікір алмасып, ұсыныстар айтты. Семинар-кеңесті қорытындылаған Сәкен Орынбаев тәжірибе мен ақпарат алмасуға арналған семинар сабақ әріптестер үшін тиімділігін береріне сенім білдіріп, еңбектеріне сәттілік тіледі.
Асқар Ақтілеу, Ақтөбе
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді