Арыс – теміржолшылар қаласы
Жаңалықтар
12.06.2018, 12:17
![](https://rail-news.kz/uploads/posts/old/railnews5bc496b4938006.43766282.jpg)
Орта Азия қақпасы атанған тоғыз жолдың торабы Арыс станциясы 1904 жылы 5 жолмен ашылған станция екен. 114 жылдан бері жүк және жолаушы тасымалына үздіксіз қызмет көрсетіп келе жатқан Арыс станциясының аты атақты теміржолшыларымен де мәшһүр болған.
Талай Еңбек Ері, құрметті теміржолшы шыққан Арыста теміржолшы кәсібі атадан балаға мирас болғалы да жүз жыл, бүгінде әулеттерімен теміржолшы атанған отбасылар жетерлік. Олардың қатарында, мысалы, Ақылбековтар, Найымбаевтар, Тоқсейітовтер, Дербісевтер, Рысбековтар әулеттерінің бүгінде төртінші, бесінші буыны теміржолда, кешегі ата кәсіпке адалдық танытып жүр.
Жалпы, арыстықтар үшін теміржолшы – мәртебелі мамандық. Өз еңбек жолында талай белеске шығып, ұжымның құрметіне бөленген жандар аз емес. Арыс станциясын кезінде бүкіл одаққа танытқан Социалистік Еңбек Ерлері Әуесхан Салықбаев, Әбдуәлі Балғынбеков аталарымыз болса, кейінгі буыннан Құрметті теміржолшы атанған станция кезекшілері Ж.Кұлтасов, Т.Назарбаев, дөңес кезекшісі Қ.Маханбетов, вагон жылдамдығын реттеушілер Қ.Қосалиев, П.Жолдасов, станция бастығы Бөгенбай Тоқсейітовтер еселі еңбектерінің нәтижесінде станция жұмысын алға бастырып, жұмыс көрсеткішін жақсартуға атсалысып келеді. Бүгінде 300-ден аса адам еңбек ететін бір ғана станцияда «теміржолым – өміржолым» дегенді ұран етіп еңбектеніп жатқан талай әулеттің өкілі бар.
Солардың ішінде, мысалы, осында 35 жылдан бері тер төгіп келе жатқан Жайлау Рысбековті айрықша атар едік. Ағасы Дүйсен, әкесі Қайболда бастаған теміржолда қазір барлық бауырлары еңбек ететіндіктен, олардың теміржолдағы еңбек өтілі 250 жылдан асып кеткен. Әріптесіміз Жайлау 1984 жылы осы Арыс станциясына пойыз құрастырушының көмекшісі болып жұмысқа орналасқаннан бері жұмыстың қыр-сырын меңгеріп алған соң, артындағы інілерін де осы салаға бейімдеп, талайын теміржолшы етіп шығарды. 1985 жылы пойыз құрастырушы, 1987 жылы станция кезекшісі, 1990 жылдан қазіргі таңға дейін станция диспетчері міндетін атқарып жүр. Жайлаудың әйелі Айман Рысбекова болса станцияда тасымал құжатын өңдеуші оператор. Екі ұл, бір қыз өсіріп, олардың қызығын көріп, немере сүйіп отырған ашық та жарқын, өнегелі отбасы. Бауырларының бірі Тасқын – станция кезекшісі, Әли – дөңес кезекшісі, Талғат – пойыз құрастырушы.
Әулетте аға сөзі заң. Інілері алдынан қия кесіп өткен емес. Теміржолдан өсіп- өніп отырған әулет кез келген мәселені, мысалы, біреуінің баласы мектеп бітіріп мамандық таңдауы қажет болса, немесе бірінің ұлы үйленіп, қызы тұрмысқа шығатын ойы болса, тіпті әулеттің бір мүшесі жұмысын ауыстырғысы келсе де бәрі бас қосып, ақылдасып шешеді. «Бауырларым мен келіндерімді шақырып, мәселені ортаға саламыз. Әрқайсысының пікірін сұраймыз. «Келісіп пішілген тонның келте болмайтыны» белгілі. Шүкір, одан жаман болған жоқпыз, екі сылтау, бір желеумен басымыз қосылып арқа-жарқа болып қаламыз», – дейді Жайлау.
Отыз жыл бір саланың «жілігін шаққан» тәжірибелі маман 2000 жылы «Қозғалыс қауіпсіздігі үшін» төсбелгісімен марапатталса, теміржолдың 100 жылдығы мерейтойында атаулы сағат алыпты. Тәжірибелі маман теміржолшының ауыр да мазасыз еңбегі тіпті де оңай емесін айтады
Үлкен бір әулеттің ағасы, биыл 56 жасқа шыққан кейіпкеріміз «Әркімнің туған жері – Мысыр шаһары демекші, мен үшін жер бетінде Арысыма жететін жер жоқ» деп туған жерін мақтан тұтатынын жасырмайды.
Базаркүл ТАСМҰРАТОВА, Арыс станциясы
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді