Байланыс шеберханасы: жоқтан бар жасап
Жаңалықтар
26.06.2018, 12:11
![](https://rail-news.kz/uploads/posts/old/railnews5bc4977d9b35d9.58128742.jpg)
Қызылорда белгі беру және байланыс дистанциясының өндірістік шеберханасында жұмыс таңертеңгілік инструктаждан кейін қызу басталып кетеді. Бір шеті Анакөл мен Тартоғай, екінші шеті Жосалы-Түркістан станциялары арасындағы барлық байланыс құрылғыларын жөндеу осы жерде жүргізіледі.
Жөндеуге жіберілетін байланыс құрылғыларының бірі телімдерден әкелінсе, енді бірі дистанцияның қоймасынан алынып, шеберлердің қолына тапсырылады да жарамсызының орнына іске жарайтыны салынып, құрылғыны жұмыс жасайтын дәрежеге келтіреді. Себебі, ескінің орнына жаңасын ауыстыра салатындай мүмкіндік болмағандықтан, іске жарамдыны ұқсату қағидасы бұл шеберханада алғашқы орынға қойылған екен.
Шеберхананың аға электромеханигі Жасұлан Ерназаров шеберхана тынысы жайлы айта келіп 5 ай ішінде атқарылған жұмыстар жайлы мәлімет ұсынды. Жөндеу шеберханасындағы жұмыс ауқымы контактілі және контактісіз құрылғыларды жөндейтін цех болып негізгі екі топқа жұмылдырылғанмен, мұнда АЖТ цехы, метрология, электрожетек, электромотор, жүргізушілер тобы, дәнекерлеушілер, токарлар тобы және де Понаб-КТСМ тобы болып жұмыс жасайтын шеберлер жинақтала келіп, негізгі алты өндірістік жұмыс тобына біріктіріліп, әр топ өз жұмыс орындарына іріктеліп, жұмыстарын атқарады екен.
Өндірістік шеберхананың жарық та кең негізгі жөндеу залында кілең электромеханиктер байланыс құрылғыларын техталапқа сай жұмыс жасайтын жағдайға келтіреді. Жөндеуші шеберлердің бірі ДСШ-13А құрылғыларын тексеруден өткізуде болса, екіншісі ТШ-65 құрылғысын кезекті сынға әзірліктен өткізеді, енді бірі құрылғыларды дәнекерлеу жұмысын жасаса, келесі бірі ТШ-65-тің тетіктерін бекітіп, қысқасы, әр шебер өзінің күнделікті жұмысын тынымсыз атқаруда.
Аға электромеханиктің мәліметіне көз салсақ, шеберхана шеберлері бес ай ішінде 30 дана жетекті жұмысқа әзірлесе, мамыр айында 6 дана жетекті жөндеуден өткізіпті. Осы аралықта 3219 дана байланыс құрылғысы шеберлер қолынан өтсе, мамырда 558 данасы жөндеу көрген. Және де электромотордың мамыр айында 14 данасына күтім жасалып, бес айда 66 данасы шеберлердің қолынан өткен. Құрылғылар ретімен жөндеуден өткен соң дайын өнімдер бөлмесіне жөнелтіліп, ол жерден қажетті телімдерге жіберіледі екен. Әрине құрылғылар жөндеуден өткеннен кейін арнайы тексеруден өткізіліп, қайта бақылаудан өткізіліп барып іске жарамдылығы анықталады .
– Дистанцияның Екпінді-Шиелі телімінде прожекторлы бағдаршамның 8 данасы линзалық бағдаршамға алмастырылады деп жоспарлануда. Ал Анакөл мен Қызылорда станциялары арасында КПТШ құрылғылары Блок-ТМ құрылғысымен жаңаланып, алдағы күндерді осы жұмыстар Қызылорда-Шиелі телімінде де жалғастырылады деп күтілуде, – дейді аға электромеханик.
Шеберхана жөндеушілері дистанция телімдерінен өткізілетін жылжымалы құрамдардың қауіпсіз қозғалысын сақтауға ақаулы құрылғыларды жөндеу арқылы үлес қосуда. Мұның өзі мұнда жұмыс жасайтын әрбір шебердің қолынан шыққан құрылғының аса бағалы екенін білдірсе керек. Жалпы, пойыздардың қауіпсіз қозғалысын сақтауға бағытталған әрбір құрылғы маңызды саналады.
Сабырхан СЕЙІЛБЕКҰЛЫ, Қызылорда
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді