Электронды кітапханалар мүмкіндігі шексіз

Қызылорда магистральдық желі бөлімшесіне қарасты Қызылорда техникалық кітапханасында жаңалыққа жаны құмар теміржолшылар үшін жағымды жаңалық болып жатыр. Оған себеп – Қызылорда және Қазалы станцияларында орналасқан теміржолшылардың техникалық кітапханасы.   Аталған кітапханалардың жұмысын үйлестіруші «ҚТЖ» ҰК» АҚ Ғылыми-сараптама және анализ орталығы қызметкерлері ел теміржолшыларының білімі мен білігін арттыру, оларды соны жаңалықтармен құлағдар ету, ақпараттық хабарламалар алмасу, тәжірибе алмасу және қозғалыс қауіпсіздігін сақтау шараларын арттыруға қатысты жаңалықтарды бөлісу мақсатында ұйымдастырылған жүйені бөлімше қызметкерлері өз жұмыс орнында отырып-ақ қолдануларына мүмкіндік жасалған. – Наурыз айының соңында қолға алынған бұл жоба қазіргі уақытта өз тиімділігін көрсетуде. Бөлімшедегі теміржолшылар ғаламтор желісі арқылы Мәскеудегі федералдық мемлекеттік қосымша кәсіби білім беру мекемесінің «Теміржол транспортында біліктілікті жетілдіру методикалық-оқыту орталығының» электронды кітапханасының  базалық ақпараттарына тест режимінде қосылып, керекті ақпараттарын алуына мүмкіндік жасалды. Осы аралықта, мысалы, ғаламтор арқылы өз жұмыс орнында отырып-ақ ақпараттар алмасып үлгерген 23 теміржолшы аталған орталық қызметін пайдаланып, тиімділігін айтуда, – дейді кітапхана қызметкері Райхан Темірғазиева. Бөлімше теміржолшыларының Қызылорда станциясындағы техникалық кітапханасында мұнан өзге де жұмыстар жоспарлы жүргізілуде екен. Мәселен, 19121 дана кітап қоры бар рухани қазына ошағына 5 ай ішінде 389 дана мерзімдік ақпарат көздерімен толықтырылып, сала қызметкерлерінің рухани кемелденуіне мүмкіндік жасалып отыр. Жыл басынан бергі мерзімде 412 оқырман тұрақты кітап алып, жаңалықпен сусындаса, 3167 адам кітапхана қызметін пайдаланып, жалпы есепте 5897 дана ақпар ұсынылған, 7 мәрте ақпарат күні ұйымдастырылған екен. Сала еңбеккерлеріне арналып жұмыс жасайтын айналым поштасын пайдаланған 9 абонент үшін 47 папка, 161 материал әзірленген. Кітапханадағы тұрақты 5 кітап көрмесінен бөлек бес айда түрлі сала мамандарына арналып 116 материал ұсынылып,  8 кітап көрмесі ұйымдастырылған.     Сабырхан СЕЙІЛБЕКҰЛЫ, Қызылорда