«ҚТЖ-Жүк тасымалы» АҚ-да жарақат алу мәселесі қозғалуда
Дүниежүзілік еңбек қорғау күніне орай «ҚТЖ-Жүк тасымалы» АҚ-ның барлық құрылымдық бөлімшелерінде 300-ден астам түрлі шара ұйымдастырылды. Соның бірі селекторлық кеңес – еңбек қорғау мәселесіне арналды.
«ҚТЖ-Жүк тасымалы» АҚ бас инженері Иван Костыря акционерлік қоғамда Халықаралық әлеуметтік қамтамасыздандыру ассоциациясымен әзірленген, «Нөлдік жарақаттану» тұжырымдамасы жүзеге асып жатқанын жеткізді. Оның басты міндеті – өндірісте кез келген бақытсыз оқиғаны болдырмау. Осыған орай, бас инженер филиалдардың басшыларын тиісті деңгейде жұмыс орындарын құру бойынша мәселеге көңіл аударуға шақырды.
«Әрбір адам жұмыс орнында жарақат алу мәселесімен күресте өз үлесін қоса алады. Жұмыс беруші еңбек гигиенасы мен қауіпсіздігіне жауапты. Ал қызметкерлер өзін және әріптесін негізсіз қатерге тікпей, қауіпсіздік ережесін сақтауға тиіс. Сондайақ, өз құқығын білуі әрі профилактикалық шараларға қатысуы керек», – деп атап өтті Иван Костыря.
Жалпы «ҚТЖ-Жүк тасымалы» АҚ-да жұмыс орындары санитарлық-тұрмыстық нормаларға сәйкес сақталуда. Қызметкерлердің еңбек жағдайын жақсартуға арналған өндірістік бағдарлама шеңберінде ғимараттар мен имараттарға жөндеу жұмыстары жүргізіліп келеді. Ал қауіпті, зиянды және қолайсыз еңбек жағдайында жұмыс істейтін еңбеккерлер мерзімді, алдын алу және профилактикалық медициналық тексерулерден өтіп тұрады. Сонымен қатар олар арнайы киімдермен және жеке қорғану құралдарымен толық қамтамасыз етілген. Бұдан бөлек филиалдарда тұрақты түрде жұмыстың қауіпсіз тәсілдерін үйрену, ауа райы нашарлағанда жұмыс істеу әдістеріне қатысты техникалық сабақтар өткізіліп келеді.
«ҚТЖ-Жүк тасымалы» АҚ мамандары биыл экологиялық қауіпсіздік, өнеркәсіптік қауіпсіздік, сондай-ақ, бас инженерлердің қатысуымен өндірістік қауіпсіздік мәселелеріне арналған семинарлар жоспарланып отырғанын мәлімдеді.