Укрзалізниця инклюзивті вагон шығаруды қолға алды
![](https://rail-news.kz/uploads/2024/09/02/WcHZYVfMsX7JBhwvPvTsoY5egSHVrACFPwloQnV9.jpg)
![](https://rail-news.kz/img/noimg.png)
«Укрзалізниця» АҚ дөңгелекті кресло қолданатын жолаушыларды топтық тасымалдауға арналған бірегей инклюзивті вагон шығаратынын хабарлады.
30 тамызда тұсауы кесілген бұл инновациялық жоба жаңа үлгіні әзірлеуге және сынақтан өткізуге белсенді қатысатын ардагерлерге, медициналық орталықтарға және қоғамдық ұйымдарға бағытталған.
Жаңа вагонның ерекшелігі оның функционалдық дизайнында және мүмкіндігі шектеулі адамдардың жайлы жүруін қамтамасыз етеді.
Вагон төрт бөлек купемен жабдықталады, олардың әрқайсысы дөңгелекті креслолардағы екі жолаушыға және оларды алып жүрушілерге арналған.
Бұл шешім жалғыз адамның жүруіне ғана емес, бір топ адам болып саяхаттауға мүмкіндік береді, өйткені қажетті кеңістік пен ыңғайлылықты қамтамасыз етілген.
Вагонды жобалау және өндіру қоғамдық ұйымдармен және әлеуетті пайдаланушылармен тығыз байланыста жүзеге асырылады. Соның арқасында бұл өнім ерекше қажеттілігі бар жолаушылардың талаптары мен қажеттілігін өтемек.
Укрзалізниця паркінде қазірдің өзінде дөңгелекті креслодағы жолаушыларға арналған купелері бар 50 вагон бар.
Дегенмен, жаңа вагон топтық тасымалдауға бағытталған бірінші құрама болады.
«Біз паркті жүйелі түрде жаңартып, оны саяхаттауға ыңғайлы болу үшін заманауи құралдармен жабдықтап жатырмыз. Жаңа жоба сауықтыру, демалыс, спорттық іс-шаралар немесе жай ғана саяхаттау үшін топтарды тасымалдауға жағдай жасауға мүмкіндік береді», - деді «Укрзалізниця» АҚ басқарма төрағасы Евгений Лященко.
Компания мұндай алғашқы вагонды шығаруды келесі жылға жоспарлап отыр.
Жаңа вагон ыңғайлы саяхат үшін ғана емес, сонымен қатар бүкіл сапар бойы жайлы тұру үшін жабдықталады.
Әрбір купеде денені көтере алатын реттелетін бұрыштары бар екі ұйықтайтын диван болады.