Қазақстандағы теміржол вокзалдары мен әуежайлар қауіпсіздігі қаншалықты қорғалған
![](https://rail-news.kz/uploads/posts/2019/8/26/1566795868613.jpg)
Қазақстандағы теміржол вокзалдары мен әуежайлар қауіпсіздігі қаншалықты қорғалған? Жақында көліктегі полиция департаменті арнайы тексеру барысында террорлық шабуылдар бойынша осал деп табылған вокзалдар мен әуежайларды анықтады.
Жыл басынан бері олар көлік инфрақұрылымының 20 нысанын, соның ішінде 15 темір жол вокзалы мен 5 халықаралық әуежайды тексерген.
Нәтижесінде осылардың ішінде 11 нысанда терроризмге қарсы заң талаптары орындалмайтыны, олардың террорлық ахуал бойынша осал екендігі мәлім болды. Аталған нысандар басшылары әкімшілік жауапкершілікке тартылып, 14 миллион теңгеден астам сомада айыппұл салынған. Петропавл вокзалының қауіпсіздігін қамтамасыз ететін күзет құрылымы әкімшілік жауапкершілікке тартылып, оларға 500 АЕК көлемінде әкімшілік айыппұл салынса, «Нұрлы жол» вокзалындағы «Әскерилендірілген темір жол күзеті» АҚ бойынша да әкімшілік шара қабылданған.