Қоқаев Мұрат Бекбергенұлы дүниеден өтті
2020 жылдың 10 сәуірі күні 52 жасында Құрметті теміржолшы Мұрат Бекбергенұлы Қоқаев дүниеден өтті.
Мұрат Бекбергенұлы 2003 – 2019 жылдары «Әскерилендірілген темір жол күзеті» акционерлік қоғамында басқарушы лауазымдарды атқарды.
Әскерилендірілген темір жол күзеті саласында көп жыл адал еңбек еткен ол талай шығармашылық бастамашылыққа дәнекер бола білді. Ол тасымалдау процесінің ерекшеліктерін, атқыштар командаларының күзет жасақтары мен шұғыл әрекет ететін оңтайлы топтарын ұйымдастыру және басқару әдістерін терең меңгерген, сондай-ақ теміржол әкімшіліктерінің, оның ішінде ТМД мемлекеттерінің өкілдерімен іскерлік қатынастарды жүргізе білген сауатты басшы еді.
М.Б. Қоқаевтың әскерилендірілген теміржол күзетінің дамуына қосқан қомақты үлестерінің бірі – тексеріп қарау іс-шараларын жүрізуге және террорлық қатынасқа осал объектілердің қауіпсіздігін қамтамасыз етуге байланысты қызметтердің «Әскерилендірілген темір жол күзеті» акционерлік қоғамы үшін жаңа бағыттарын енгізуі болды. М.Б. Қоқаев алдына қойылған міндеттерді сауатты әрі тиімді шеше білетін жауапты және талап қоя білетін басшы еді. Жігерлі, талапшыл, қол астындағы қызметкерлерге қатынасы өте жақсы болды. Белсенді өмір салтын ұстанатын. Ұжымда құрметті және беделді болды.
Теміржол саласындағы адал әрі ерен еңбегі үшін көптеген ведомстволық марапаттармен, оның ішінде «Құрметті теміржолшы» белгісімен марапатталды.
«Әскерилендірілген темір жол күзеті» акционерлік қоғамы мен «Қазақстандық салалық теміржол, автомобиль, әуе және су көліктері қызметкерлерінің кәсіби одағы» ҚБ «ӘТЖК» филиалының басшылығы мен ұжымы Мұрат Бекбергенұлы Қоқаевтың мезгілсіз қайтыс болуына байланысты марқұмның отбасына және туғантуыстарына қайғырып көңіл айтады.