Шу торабынан көмек
Еліміздің Тұңғыш Президенті Нұрсұлтан Назарбаевтың «Бірлесе білген ел бәрін жеңеді» мақаласында бірлік пен татулық, рухани келісім мен өзара түсіністік сынды құндылықтар әрқашан біздің басты байлығымыз болып қала беретіні айтылады.
Жамбыл өңіріндегі Шу станциясы торабының ардагерлер кеңесінің төрағасы, Құрметті теміржолшы Тұрсынбай Халық халқымыз қысыл таяң тұста үлкенге құрмет көрсетіп, кішіге қамқор болатын абзал қасиетінің арқасында ғана бірлесе қиындықты жеңетініне сенімді.
«Елімізде орын алған ауыр жағдайға байланысты «Біз біргеміз!» республикалық акциясы қолға алып, оны көпшілік бірауыздан қолдауы – осының айғағы. Акция аясында мемлекет тарапынан көрсетіліп жатқан көмектен бөлек, жаны жомарт азаматтар көмекке мұқтаж, көпбалалы отбасыларға, ардагерлерге көмек көрсетіп, қамқорлық танытуда», – дейді.
Мысалы, ардагерлер кеңесі төрағасының ұйытқы болуымен жақында Шу торабы да көмек қолын созып, ардагер теміржолшыларға азық-түлік пакеттерін жеткізіпті. Мәселен, Шу локомотив депосы – 17, ШЧ мекемесі – 8, ЭЧ-22 мекемесі – 6, ПЧ мекемесі – 6 және Шу станциясы да бірнеше зейнеткерге көмек көрсеткен.