Сауат Мыңбаев теміржолшыларды Тәуелсіздік күнімен құттықтады
Тәуелсіздік күніне орай шын жүректен құттықтауымды қабыл алыңыздар!
Бұл – Қазақстанның ұлттық мүддесін қорғағандардың батылдығы мен ерлігіне құрмет және уақыт пен ұрпақтың ажырамас байланысы мен бірлігін білдіретін ұлық мереке.
Тәуелсіздігін алған сәттен бастап тарихи дамуда үлкен серпіліс жасаған біздің еліміздің көптеген сынақтар арқылы жүріп өткен жолы, барлық салада қуатты әлеуетке ие егемен мемлекет құруға мүмкіндік берді.
Тұрақты экономикалық өсімді қамтамасыз етудің маңызды рөлі теміржол көлігіне тиесілі. «Қазақстан темір жолы» Ұлттық компаниясы еліміздің транзиттік әлеуетін арттыру және инфрақұрылымды дамыту бойынша мемлекеттік бағдарламаларды жүзеге асыруға белсене атсалысты.
Өткен жылдар мен қазіргі алмағайып кезең қандай күрделі міндеттерді де шешу біздің қолымыздан келетінін айқын көрсетіп отыр. Біз әрі қарай да алға ұмтылысымызды жалғастырып, жоспарларымызды сәтті жүзеге асыратынымызға сенімдімін.
Баршаңызға зор денсаулық, береке мен тұрақтылық тілеймін!
Сауат МЫҢБАЕВ,
«Қазақстан темір жолы»
ҰК» АҚ Басқарма төрағасы