ҚТЖ мен Alstom 2029 жылға дейін 369 электровоз шығаруды жоспарлап отыр

Жаңалықтар
05.10.2021, 10:32
Райхан Рахметова

«Қазақстан теміржолшысы» газетінің тілшісі

«Қазақстан темір жолы» ұлттық компаниясы мен француздың Alstom компаниясы арасында екіжақты ынтымақтастықты дамытуға бағытталған кезекті келісімге қол қойылды. Құжат әріптестікті, әсіресе цифрлы технологияны дамытуға бағытталған. Елімізде 11 жылдан бері жұмыс істеп келе жатқан ЭҚЗ зауытымен арадағы тығыз қарым-қатынас Қазақстан мен Франция арасындағы ынтымақтастықтың жемісті нәтижесін көрсетті. Мұны өзара келісімшартқа қол қойған Alstom компаниясының Батыс және Орталық Азия бойынша атқарушы директоры Гийом Триттер мен «ҚТЖ» ҰК» АҚ басқарма төрағасының бірінші орынбасары Қанат Әлмағамбетов ерекше атап өтті. Alstom компаниясы Қазақстанда 2010 жылдан бастап жұмыс істейді. Бүкіл ел бойынша 7 өндірістік нысан 10 жылдық үздіксіз жұмыстың нәтижесін көрсетті. Екі бірлескен кәсіпорын – Нұр-Сұлтан қаласындағы электровоздар жасаумен және оларға техникалық қызмет көрсетумен айналысатын Электровоз құрастыру зауыты және бағыттамалық жетек жасаумен айналысатын Алматыдағы ҚазЭлектроПривод және техникалық қызмет көрсететін үш депо, бір сервистік орталық және әкімшілік кеңсе бар. Alstom – Орталық Азия мен Кавказ аумағындағы электровоздар мен бағыттамалық жетектер жасайтын жалғыз өндіруші, сондай-ақ теміржол өнеркәсібін жаңғырту және осы өңірдегі экономиканы дамыту бағдарламасының негізгі қатысушысы.

– Биыл зауытта жаңадан 150 жұмыс орны ашылады. Бүгінгі келісімшарт арқылы біз 2019 жылға дейінгі өндірістік қамтамасыз ету деңгейін сақтай отыра, сол деңгейде жұмысты жалғастырамыз деген ойдамыз. Жалпы алғанда бүгінгі ұзақ мерзімді ынтымақтастық келісімі аясында алдағы уақытта 369 электровоз шығаруды жоспарлап отырмыз, оның 260-ы жүк, 119-ы жолаушы пойыздарының локомотивтері. Сонымен қатар электровоздарды экспортқа шығарумен айналысамыз. 40 жүк электровозын Әзербайжанға экспорттау көзделген болса, соның 24-і жөнелтілді. Машина 9 мың тоннаны тарта алады, электровоз кабинасы локомотив бригадасы үшін жайлы етіп жасалған, – деді Гийом Триттер.

Ол сонымен қатар локализация саласындағы серпінді жобалармен таныстырды. Оның айтуынша, осыдан 9 жыл бұрын зауытта локализациялау деңгейі 4 пайызды құраған, қазір оның көрсеткіші 30 пайызға жеткен. Былтырдан бері Электровоз құрастыру зауытында тартымдық трансформатор шығарыла бастапты. Кәсіпорын басшылары локализациялау деңгейін енді 40 пайызға жеткізуді жоспарлауда. Сонымен қатар биыл жазда зауыт толығымен Қазақстанда құрастырылған алғашқы жолаушылар локомотивін жасап шығарды.

– Бүгін 2025 жылға дейін ұзартылған ұзақ мерзімді ынтымақтастықты дамыту бойынша кезекті келісімге қол қойылды. Бұл –электровоз шығару өндірісіндегі екі ел арасындағы жемісті ынтымақтастың жарқын үлгісі. Сапасы жоғары өнімге тапсырыс бар. Негізгі тапсырыс беруші – ҚТЖ компаниясы, сыртқы нарықта – Әзербайжан. Бірақ, басқа елдерден де тапсырыс көбейеріне сенім мол. Себебі зауыт шығаратын жүк және жолаушылар локомотивтері 1520 кеңістігіндегі ең үздіктер қатарында. Бүгінгі екіжақты келісім өзара қарым-қатынасымызды тереңдетіп, ынтымақтастықты қазіргі заман талаптарына сай жаңа деңгейге шығармақ, – деп атап өтті Қ. Әлмағамбетов.

Алдағы уақытта зауыт «KZ8A», «KZ4AT» және «KZ4Ac» локомотивтеріне толық техникалық қызмет, тартқыш және тежегіш жүйелеріне жоспардан тыс техникалық қызмет көрсету және оларды күрделі жөндеуден өткізу функцияларын жүзеге асырмақ. Бүгінде зауытта 850 адам еңбек етсе, соның 95 пайызын қазақстандықтар құрап отыр.

Жолаушылар тасымалы
01.06.2025
ҚТЖ пойыздарымен 484 мыңнан астам бала тасымалданды
Жолаушылар тасымалы
01.06.2025
Сианьнан шыққан халықаралық туристік пойыз Алматыға келді
Жаңалықтар
31.05.2025
ҚТЖ Пәкістанның ірі компаниясымен ынтымақтастықты нығайтуда
Жаңалықтар
31.05.2025
Ақтаудағы жаңа контейнерлік хабтың іске қосу кезеңі маусым айында басталады
Жаңалықтар
30.05.2025
Қазақстан мен Конго Республикасы логистика саласындағы ынтымақтастықты талқылады
ҚТЖ келбеті
30.05.2025
Темірден түйін түйген Момын Өтегенов – 95 жаста
Әлеумет
30.05.2025
Болашақ станциясында жаңа ойын алаңы ашылды
Аймақтар
30.05.2025
Арыс теміржол торабы жаңартылған соң вагон айналымы 20 пайызға артты
Спорт
30.05.2025
Теміржолшылар арасында футболдан тартысты турнир өтті
Аймақтар
30.05.2025
Жұмысқа тұрудың жаңа тәртібі
Спорт
30.05.2025
Теміржолшылар зияткерлік пен дәлдікте бақ сынады
Жаңалықтар / Мұрағат
30.05.2025
Қазақстан теміржолшысы газеті, №41 30 мамыр 2025 жыл
Жаңалықтар
29.05.2025
Теміржолшылар өткелдерде профилактикалық жұмысты күшейтті
Жүк тасымалы
29.05.2025
ҚТЖ: Астық экспорты артты
Жолаушылар тасымалы
29.05.2025
Елімізде жаңадан екі электр пойызы іске қосылады
Жолаушылар тасымалы
29.05.2025
Жазда теміржол көлігімен 7 млн жолаушыны тасымалдау көзделіп отыр
Жаңалықтар
29.05.2025
Астанада ALSTOM компаниясының жаңа сервистік орталығының алғашқы тасы қаланды
Жолаушылар тасымалы
29.05.2025
«Сиань–Алматы» бағыты бойынша алғашқы туристік пойыз сапарға аттанды
Әлемде
28.05.2025
Қазақстандық PTC holding компаниясы Грузияда терминал ашпақ
Жаңалықтар
28.05.2025
Астана форумында Транскаспий дәлізін дамыту барысы сөз болды