Теміржолды сапалы байланыспен қамтамасыз ету маңызды

ҚТЖ келбеті
14.05.2024, 12:13
Суретті түсірген автор
Нұрлыбек Досыбай

Түркістан облысы бойынша меншікті тілші

Арыс белгі беру және байланыс дистанциясының Түркістандағы мекемесіне соңғы үлгідегі технологиямен жабдықталған DX-500 пен СИ-3000, ISKRATEL сандық аппараты қойылған. Желілік аппарат механигі Ұлықбек Қожабаев заманауи құрылғылардың тілін жетік меңгерген білікті маман.

Теміржолды сапалы байланыспен қамтамасыз етіп, белгі беру қызметінің мінсіз болуы – маңызды мәселе. Сондықтан дистанция мамандары, байланыс механиктері өздеріне тиесілі учаскелердегі желінің қалыпты жұмыс істеуін мұқият бақылауда ұстап, Арыс пен Сарыағаш және Түркістан қаласындағы теміржол мекемелерін сапалы байланыс қызметімен барынша мінсіз қамтамасыз етіп келеді. Қобдиша ішіндегі жанып-өшіп жыпылықтап тұрған нүктедей ғана қызылды-жасылды, сары түсті шамдардың қызметі зор маңызға ие. Өйткені бұл құрылғылар әлемге әйгілі Huawei компаниясының өнімі болып табылады. Ал олар «Транстелеком» желілік байланыс компаниясының жабдықтарымен біріктіріле іске қосылған.  

Бір қызығы, Түркістандағы байланысшылардың бұл ғимараты мен мұнда ұйымдастырылатын қызмет республика аумағы бойынша екі өңірдің байланыс тетіктері түйіскен нүкте болып табылады. Айталық, талшықты-оптикалық желінің бір ұшы – батыс аймақтан ақпаратты Қызылорда арқылы жеткізсе, екінші ұшы – Арыс, Шымкент арқылы Тараз, Алматы, Астана мен солтүстік өңірлерді түгел қамтиды. Екінші желіні жоғарыда атап өткен ISKRATEL аппараты арқылы қамтамасыз етіледі де, DX-500 қорапшасындағы ұяшық тетіктер батыс аймақты түгел қамтиды. Ерекшелігі сол – диаметрі 3-4 миллиметрлік желі соңғы технологиялық жетістік. Өйткені осы күндері қолданыстағы бір сымның қызметін Кеңес заманындағы байланыс желісінің екеуі бірігіп әрең атқарған.  

– Бұрынғы аппараттар мен желілерді қазіргі қолданыстағы жабдықтарымызбен салыстыруға мүлдем келмейді. Себебі, UTP-желісінің біреуінің өзі бірнеше байланыс түрін қамтамасыз етуге қауқарлы. Яғни талшықты-оптикалық бұл желі дыбыстық немесе бейнебайланысқа шыққан бірнеше абонементті бір мезетте жоғары сапада байланыстыра алады, – дейді желілік аппарат механигі Ұлықбек Бектемірұлы.  

Бүгінгі таңда мекемеде 6 маман ауысым бойынша еңбек етеді. Олардың жұмысы үлкен кабинеттің бір жақ бетін тұтас алып жатқан құрылғылар қызметімен тығыз байланысты. Мысалы, шағын қорапты болса да, атқаратын қызметі ауқымды «Гранит» құрылғысы байланысқа шыққан барлық абонементті жазып алуға қауқарлы. Оның жанында талшықты-оптикалық желінің ұяшық бағанасы мен электр энергиясы сөнген жағдайда, байланыс қызметі тоқтамауы үшін 12 вольттық 4 аккумулятор орнатылған. Одан бөлек мұнда электр қуатын тұрақтандырушы да іске қосылған. Әрбір құрылғының қызметін бізге байыппен түсіндірген механик: «Жалпы, теміржол көлігінде байланыс саласының қызметі зор, оған байыпты көзқарас қажет» деп әңгімесін түйіндеді.  

 

Спорт
23.05.2024
Сұрмерген cтанция бастығы
Жаңалықтар
22.05.2024
Қазақстанның логистикалық мүмкіндіктері Қытайда өткен көрмеде таныстырылды
Жаңалықтар
22.05.2024
Ақтау мен Құрық порттарында ірі теңіз көліктік-логистикалық кластері құрылады
Жаңалықтар
22.05.2024
Жолаушылар пойызындағы багажды тасымалдау ережесі
Жаңалықтар
22.05.2024
«Қамқор Локомотив» ТЭМ2У тепловозын модернизациядан өткізді
Жаңалықтар
22.05.2024
Өзбекстанның 18 азаматы «Самара-Ташкент» пойызынан түсірілді
Әлемде
22.05.2024
Германия монорельсті жолаушылар кабиналарын әзірлеп жатыр
Жаңалықтар
21.05.2024
Алматыда айналма темір жолдың құрылысы қарқынды жүріп жатыр (Фото)
Темір жол тарихы
21.05.2024
Мұрағат – өткен өмір айнасы
Әлеумет
21.05.2024
Өмірінің 44 жылын теміржолға арнаған жан
Қауіпсіздік
21.05.2024
Конференцияда автотежегіш жүйесі жан-жақты қаралды
Жаңалықтар
21.05.2024
Балтық елдерінде ТХКБ бойынша жүк тасымалын арттыру мәселелері талқыланды
Қауіпсіздік
21.05.2024
Таразда еңбек қауіпсіздігіне арналған республикалық семинар өтті
Жаңалықтар / Мұрағат
21.05.2024
«Қазақстан теміржолшысы» газеті, №43 21 мамыр 2024 жыл
Жаңалықтар
20.05.2024
14 бағыт бойынша билеттерді «Саяхатшы» дисконттық картасы арқылы жеңілдікпен сатып алуға болады
Жаңалықтар
20.05.2024
Биыл 140 жаңа вагон жолаушыларға пайдалануға берілмек - Көлік министрлігі
Аймақтар
20.05.2024
Теміржол саласындағы терминдер мемлекеттік тілде «сөйлей» бастады
Спорт
20.05.2024
Иорданияда үстел теннисінен өткен жарыста маңғыстаулық теміржолшы топ жарды
Жаңалықтар
20.05.2024
Қазақстаннан Қытайға темір жол арқылы жүк экспорты 21 ға өсті%
Аймақтар
20.05.2024
Семей орманында оқу-жаттығу өтті