Ерлік емей, немене?!

ҚТЖ келбеті
30.07.2025, 12:29
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Әр адамның бойында ерлікке бастар қасиет бар. Ол үшін атақ та, абырой да қажет емес, шынайы ерлік кейде қарапайым сәтте, күтпеген жағдайда көрініс табады. Бүгінгі кейіпкеріміз – сол қарапайым батырлардың бірі.  

Жарқынбек теміржол саласында 2013 жылдан бері еңбек етеді, өткел күзетшісі болып бір орыннан тапжылмай, абыроймен еңбек етіп жүрген азамат. Күнделікті қарапайым жұмыстың бір сәтінде ол бүтін бір пойыз құрамын апаттан аман алып қалды. Осынау бір сәттік әрекет оның батылдығы мен кәсібіне деген адалдығын айғақтады.  Нағыз ерлік сөзбен емес, нақты іспен көрінетінін Жарқынбек секілді  теміржолшылар осылай дәледейді.    

Теміржол – тәртіп пен қырағылық талап ететін сала. Әрбір теміржолшының қызметіне деген адалдығы мен жауапкершілігі жүздеген адамның өміріне тікелей әсер етеді. Бұл жолда қажыр-қайрат пен жылдам шешім қабылдай білу, дәлдік пен кәсібилік аса маңызды. Осындай биік талап үдесінен шығып жүрген кейіпкеріміз Жарқынбек Жаңабаев Қараиірім – Жалағаш станциялары аралығындағы 2742 шақырымда орналасқан теміржол өткелінде кезекшілік ететін өткел кезекшісі.  

Теміржолшылар династиясынан шыққан Жарқынбек бұл салаға кездейсоқ келген жан емес. Оның әкесі Сәрсенбай Жалағаш станциясында электрмен жабдықтау шаруашылығында еңбек еткен тәжірибелі маман болса, өзі мен бауырлары Қаракеткен, Жалағаш станцияларында жол шаруашылығында еңбек етуде.  

...Кезекті жұмыс күнінде №2802 жүк пойызы өткелден өтіп бара жатты. Жарқынбек вагондардың бірінен салбырап келе жатқан затты байқап қалады. Теміржолдағы әр секундтың бағасы зор екенін жақсы білетін ол, дереу Жалағаш станциясының кезекшісі А.Ембергеновке, тікелей басшысы Абзал Айтжановқа радиобайланыс арқылы хабар береді. Кешікпей пойыз тоқтатылып, техникалық тексеру жүргізіледі. Сараптама нәтижесінде жүк вагонының төменгі жалпақ жолақ бөлігінде ақау анықталып, қауіптілігіне байланысты құрамнан ажырату туралы шешім қабылданады.

– Вагондағы жалпы жолақтың сынуы – кез келген уақытта пойыздың рельстен шығып кетуіне, тіпті ауыр апатқа соқтыруы мүмкін жағдай. Сондықтан бұл – нағыз ерлік. Уақытылы қабылданған шешімнің арқасында апаттың алды алынды, – дейді Қызылорда жол дистанциясының бастығы Марат Оңалов.

Өткел кезекшісінің жұмысы сырт көзге қарапайым көрінгенімен, теміржол қозғалысының қауіпсіздігін қамтамасыз етуде олардың атқаратын рөлі зор. Олар пойыз қозғалысы кезінде шлагбаумды уақытылы жауып-ашып қана қоймай, жолдың екі жағындағы 50 метрлік аумаққа күтім жасап, өткелден өтетін автокөлік жүргізушілеріне қауіпсіздік ережелерін сақтауды ескертіп отырады.

– Әкемнің жолын қуып теміржолшы болдым. Інілерім де осы салада еңбек етіп жүр. Жеті балам бар, олар да болашақта теміржолшы болса екен деймін. Темір жолда тұрақты табыс, әлеуметтік қолдау бар. Ұмтылғанға мансаптық өсу мүмкіндігі де жоқ емес. Мен нанын жеп отырған салаға адал қызмет етуді басты борышым санаймын. Жүк пойызындағы ақауды анықтауым – ерлік емес,  кәсіби міндетім. Мұндай жағдай кез келген теміржолшының басынан өтуі мүмкін. Бірақ осы жолы бұл міндет маған жүктеліпті, – дейді Жарқынбек Сәрсенбайұлы.

Иә, кәсіби міндеттен туындаған әрекет, бір мезетте қабылданған шешім бүкіл құрамның, талай жанның тағдырын сақтап қалды. Бұл ерлік емей, немене?!  

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды