Теміржолшылар магистраль нысандарындағы қауіпсіздік ережелерін еске салды
Алматы жүк тасымалы мен магистральдық желі бөлімшелерінің қызметкерлері Әскерилендірілген теміржол күзеті және Алматы станциясының ЖІІБ қызметкерлерімен бірлесіп теміржол көлігі нысандарындағы құқық бұзушылықтар мен жарақаттанудың алдын алу бойынша профилактикалық рейд жүргізді.
Рейдке қатысушылар мегаполис тұрғындарына магистраль нысандарында болған кезде мұқият және қырағы болу қажеттігін еске салып, ақпараттық буклеттер таратты.
Теміржолшылар көбінесе қала тұрғындары жолды қысқарту үшін белгіленбеген жерлерден өтіп, өз өмірлеріне қауіп төндіретін учаскелерді анықтады. Қара тізімге Алматы-1 - Алматы-2, Алматы - Шамалған, Алматы - Медеу, Медеу-Байсерке учаскелері кірді.
Қауіпті учаскелерде машинистер жылдамдықты төмендетіп, пойыздарды өте мұқият басқарады. Алайда пойыздың тежеу қашықтығы, тіпті төмен жылдамдықпен жүргеннің өзінде 800-1000 метрді құрайды, сондықтан қайғылы жағдайдың алдын алу мүмкін емес.
2023 жылдың алты айында Алматы депосының локомотив бригадалары адам, мал басу және автокөлікке соқтығысуды болдырмау үшін 380 астам шұғыл тежеу қолданды. 90% жағдайда локомотив бригадаларының кәсіби әрекеттерінің арқасында қайғылы салдардың алдын алуға мүмкіндік туды.
Жолдардағы жарақаттанудың басты себебі – белгіленбеген жерлерден рельстерді кесіп өтетін азаматтардың абайсыздығы мен немқұрайлығы. Теміржолда зардап шеккен адамдар құлаққаппен жүріп, локомотивтің дыбыстық сигналдарын естімеген.
Сондай-ақ, темір жолы бойында ойындар ұйымдастыратын, қауіпті жерлерде селфи жасайтын ерекше әсерді ұнататындардың мінез-құлқы алаңдатады.
Осындай акциялар бүкіл елде өтуде.