Вокзалда қауіпсіздік күшейтілді
Ақтөбе облысы бойынша меншікті тілші
Елімізде 16-20 маусым аралығында «Заңсыз келуші–2025» жедел алдын алу іс-шарасы жүріп жатыр. Көші-қон полициясы қызметкерлері теміржол вокзалдары мен жолаушы пойыздарын бақылауға алып, қауіпсіздік шараларын күшейтті.
Теміржол вокзалдары – стратегиялық аймақ, ондағы қауіпсіздік мәселесі қашан да өзекті. Ақтөбе аймағында «Заңсыз келуші-2025» жедел алдын алу іс-шарасына орай көші-қон полициясы қызметкерлері шетел азаматтарының құжаттын тексеріп, жүріп-тұру қағидалары бойынша түсіндіру жұмыстарын жүргізуде.
«Іс-шара барысында теміржол вокзалында Өзбекстан Республикасының екі азаматы анықталды. Тексеру нәтижесінде аталған екі азаматтың елімізде заңсыз жүргені әшкереленіп, оларға әкімшілік хаттама толтырылды. Ақтөбе қаласының әкімшілік сотымен Қазақстан Республикасы аумағынан тысқары шығару үкімі шықты. Шетел азаматтары еліміздің көші-қон талаптарын сақтауға міндетті»,– деп хабарлайды Ақтөбе желілік полиция бөлімі қызметкерлері.
Аталған жұмыстар басқа вокзалдарда да жалғасып жатыр.