Арыста доңғалақ жұптарын жөндейтін шеберхана ашылды

Аймақтар
16.09.2022, 09:01
Суреттерді түсірген автор
Нұрлыбек Досыбай

Түркістан облысы бойынша меншікті тілші

Арыс қаласындағы вагон жөндеу депосы базасында вагон доңғалақтарын күрделі жөндеуден өткізетін шеберхана іске қосылды. Сала мамандарының айтуынша, бұл – оңтүстік өңірде ашылып отырған алғашқы жөндеу шеберханасы.

Жалпы 600 шаршы метр аумақта орналасқан шеберханада үлкенді-кішілі 7 өндірістік станок қызмет көрсетеді. Вагон жөндеу депосында қазіргі кезде 270 адам қызмет етсе, жаңа цехтың іске қосылуына орай алдағы уақытта тағы 25 маманды тұрақты жұмысқа қабылдау жоспарланып отыр.  

Жаңа өндіріс орнының ашылу салтанатына «ҚТЖ-Жүк тасымалы» ЖШС «Шымкент жүк тасымалы бөлімшесі» филиалы директорының орынбасары Абзал Салықбаев, «Қазтеміртранс» АҚ бас инженері Нұрлан Жүсіпов, «Astana Railways Services» ЖШС бас директоры Бауыржан Мұсағитов, Арыс қаласы әкімінің орынбасары Ерғали Қуандық және өзге де серіктес кәсіпорын өкілдері қатысты.  

Доңғалақ жұптарын күрделі жөндеуден өткізетін мұндай кәсіпорынның Арыс қаласында іске қосылуы – құптарлық жайт. Өйткені оған тікелей себеп болатын факторлар жеткілікті. «Astana Railways Services» ЖШС бас директоры Бауыржан Мұсағитовтың пікірінше, Алматы мен Қызылорда облысының аралығындағы темір жол шаруашылығында мұндай деңгейде қызмет көрсететін кәсіпорын жоқ. Ал Арыс – Орта Азияның қақпасы атанған нағыз тоғыз жолдың торабы. Шығыс пен батысқа, оңтүстік пен солтүстікке қарай жөңкіліп жатқан жүк вагондарының доңғалағын күрделі жөндеуден өткізетін кәсіпорын дәл осы жерде сөзсіз қажет көрінеді. Осы кезге дейін Арыс маңында істен шыққан доңғалақ жұптарын жөндеу үшін вагон иелері шалғайда орналасқан кәсіпорындарға тасымалдап, әуре-сарсаңға түсіп келген.  

«Astana Railways Services» ЖШС «Арыс вагон жөндеу депосы» филиалының директоры Әділхан Ибрагимов бұл шеберхана доңғалақ жұптарын күрделі жөндеуге арналған стратегиялық маңызға ие өндірістік нысан екенін атап өтті. «Елімізде вагон паркін қалыпты жағдайда ұстау үшін ең алдымен вагон доңғалақтарының жетіспейтіні белгілі. Осы олқылықтың орнын толтыру мақсатында біз жыл басында оңтүстік өңірде баламасы жоқ вагон доңғалақтарын жөндеу шеберханасын құруды көздедік және соған қол жеткіздік. Бұл жерде доңғалақ жұптары ағымдағы, орташа және күрделі жөндеуден өткізіледі. Демек, ендігі жерде вагон паркі иелері доңғалақ жұбы мен вагондарды жөндеу үшін уақыт пен қосымша шығынға жол бермей, «бір терезе» қағидасымен қызметті тиімді пайдаланатын болады», – деді ол.  

Салтанатты шара аясында қонақтар назарына шеберхананың жұмыс істеу процесі таныстырылды.  

Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста