Жем локомотив пайдалану депосына – 120 жыл
Ақтөбе облысында Қазақстанның темір жол саласының ең көне кәсіпорындарының бірі және еліміздің темір жол көлігінің тарихы бастау алатын алғашқы пункттердің бірі - Жем локомотив пайдалану депосының 120 жылдығына арналған салтанатты іс-шара өтті, деп хабарлайды Rail-news.kz.
Депо 1905 жылы Орынбор теміржолының паровоз шеберханасы ретінде құрылды. Өзінің жұмыс істеген жылдарында ол Қазақстанның теміржол жүйесінің маңызды буыны мәртебесін сақтай отырып, алғашқы паровоздарға қызмет көрсетуден қазіргі заманғы тепловоздарды пайдалануға дейінгі жолдан өтті.
Бүгінгі таңда Жем депосы кәсібилік пен жауапкершілікті көрсете отырып, дәстүрді сақтай, жүк және жолаушылар қозғалысын қамтамасыз етіп келеді.
Мерейтойға орай кәсіпорынның үздік қызметкерлері құрмет грамоталарымен, алғыс хаттармен және «Үздік маман», «Адал еңбегі үшін», «Құрмет грамотасы», «Үздік машинист» және «Үздік машинист көмекшісі» атақтарымен марапатталды.
Марапаттарды «ҚТЖ – Жүк тасымалы» ЖШС, оның Ақтөбе облысы бойынша филиалының басшылары, сондай-ақ жергілікті атқарушы органдар өкілдері табыс етті.
Мерейтой депо ұжымы үшін ғана емес, өңірдің бүкіл теміржол саласы үшін маңызды оқиға болды.