Шымкентте көктемгі комиссиялық тексеру кезінде 60 өндірістік ғимарат тексерілді

Шымкент жол дистанциясында көктемгі комиссиялық тексеру кезінде 60 өндірістік ғимарат тексерілді. Олардан 39 кемшіліктабылы п, 14 мамырға дейін соның 63% жойылды. Тексеру барысында табылған өндірістік ғимараттардағы кемшілікті жоюға қажет ағаш, темір қаңылтыр, руберойд, линолеум, кірпіш, шыны, тт секілді материалдар есебі жасалды. Сонымен қатар, машиналар мен механизмдерді тексерудің де қорытындысы шықты. Дистанцияда 4 ауыр типті машина жұмыс істейді. Жалпы, Шымкент жол дистанциясында 23 автомашина бар. Машина механизмдерінен табылған 35 кемшіліктің 14 мамырға дейін 27-сі жойылған. Дистанция инженері Дана Умирбаеваның айтуынша, машиналар мен механизмдердің биылғы жаз уақытында қалыпты жұмыс істеулері үшін САК-3112 дәнекерлейтін агрегат, гидравликалық ажыратқыш құрылғы, ДГП-8 гидравликалық домкраттар, рельс кесетін станок «Жейсмар» К 1250, электрлі ажарлаушы «Жейсмар» МТХ 350, рельс тесетін станок «Жейсмар» РR-7, ағаш тесетін электрлі аспап, жол ығысуын түзейтін гидравликалық құрылғы, рельстің температуралық режимін реттеуге қолданатын гидравликалық пресс, тағысын тағы қажетті материалдар, машина-механизмдермен қамтамасыз етуді сұрап жол және құрылыс департаментіне тиісті құжаттар жіберілген. Барлық жол шеберлері көктемгі тексеру барысында анықталған кемшіліктерді арнайы жасалынған күнтізбелік жоспарға және іс-шараға сәйкес уақытында орындауды міндетіне алды.