Семейлік ардагер соғыста да, бейбіт өмірде де байланысшы болған

Әлеумет
06.05.2022, 14:27
Қуаныш Қожаев

Шығыс Қазақстан облысы бойынша меншікті тілші, Семей

Кешегі сұм соғыстың арамызда жүрген көзі тірі куәгері, семейлік қарт майдангер Дмитрий Литвиненко – Семей темір жолына еңбегі сіңген қарт теміржолшы.

Бүгінде жасы жүзге аяқ басса да әлі тың, әңгімені де жақсы айтатын, қазақ тілінде де мақалдап, майын тамызып сөйлейтін қарияны биыл да Жеңіс күнімен құттықтауға асықтық. Семейдің орталығында, қызының қолында тұратын Дмитрий Лазаревич күн ұзаққа үйде жалғыз болғандықтан ба, қонақ келсе балаша қуанады екен. Есікті өзі ашып, құрметпен қарсы алу – жылдағы қалыптасқан дағдысы. Бұл жолы да солай болды. 

Өңіріне Қазақстан туы түстес көгілдір жеңіс лентасын таққан қарттың денсаулығы мығым екен. Жеңістің 77 жылдығымен құттықтай келген жандармен әңгіме-дүкен құрып, жадырай сөйлесті. Соғыс даласында түскен жастық шағындағы фотосуреттерін көрсетіп, сол бір сұрапыл жылдарды, ұрыс даласында бақилық болған қимас қаруластарын еске алды. 

Сондай-ақ, теміржол саласында тер төккен жылдарын, әріптестерін де еске алды. Дмитрий Лазаревич 1944 жылдың аяғына таман 17 жасында соғысқа аттаныпты. Ең алдымен Ташкент қаласында қысқа мерзімдік әскери даярлықтан өтіп, өртке оранған майдан даласына әскери эшелонмен жетеді. Сөйтіп, жаяу әскерлер сапында батыс Еуропаны, Украина мен Польша жерін гитлершіл басқыншылардан тазартуға қатысады.

 – Сұм соғыстың соңына таман барсам да, нағыз қан-қасаптың ортасына түстім. Барынша жанталасқан фашистер қатты қарсылық көрсетті. Мен оқ пен оттың ортасында байланысшы болдым. Бұл өте жауапты жұмыс еді. Ұрыс уақытында штабпен байланысты жоғалтудың өтемі өте ауыр. Шығыс Еуропа елдерін жаудан азат ете жүріп, осы қызметтің қыр-сырына әбден қанықтым. Сөйтіп, бейбіт өмірге оралған соң байланысшы болуға шешім қабылдадым. Осылай, сол заманда қатаң тәртіпке негізделген, әскерилендірілген сала теміржолға қызметке келдім. Майдан даласындағы қалыптасқан кәсіби дағдым зейнеткерлікке шыққанға дейін өзгерген жоқ, – дейді бұл орайда қарт майдангер өз өмір жолы жайында сыр шертіп. 

Бүгінде Семей магистральдық желі бөлімшесі бойынша қалған жалғыз көзі тірі майдангер Дмитрий Лазаревич ұзақ жылдар бойы ШЧ-29 мекемесінде, байланыс саласында абыройлы еңбек етті. 

Биыл екі соғыс ардагері арамыздан кетті. Теміржол саласына ғұмырының 44 жылын арнаған Әнуарбек Әбділдаұлы жуырда 90 жастан асқан шағында дүниеден өтсе, Балтық теңізінің қаһарман теңізшісі атанған Кәмкетай Байыров 96 жасқа қараған шағында бақилық болды...

Жүк тасымалы
26.11.2022
Биыл Ақтау және Құрық теңіз порты арқылы 1,5 млн тонна жүк тасымалданды
Жаңалықтар
25.11.2022
Теміржолшы Құттыбек Шархатбаевқа әріптестері ескерткіш тақта орнатты
Темір жол тарихы
25.11.2022
Оқушылар теміржолшылар мұражайындағы жәдігерлермен танысты
Қауіпсіздік
25.11.2022
Келер жылы локомотивтерге бейнетіркегіш құрылғысы орнатылады
Жүк тасымалы
25.11.2022
ТХКБ – жүк тасымалдаудың тиімді дәлізі
Инфрақұрылым
25.11.2022
Биыл 943 км жол жөндеуден өтті
Әлеумет
25.11.2022
Кадр саясатына жаңаша көзқарас
Жаңалықтар
25.11.2022
Алматыда ҚТЖ қолдауымен 5G байланыс жүйелерін дамыту бойынша құзыреттілік орталығы ашылды
Мұрағат
25.11.2022
«Қазақстан теміржолшысы» газеті, №92 25 қараша 2022 жыл
Жаңалықтар
24.11.2022
7 мыңнан астам жүк вагоны жөндеуден өтті
Аймақтар
24.11.2022
Ерен еңбек еленді
Әлемде
24.11.2022
Әзербайжан ел бойынша ең үлкен теміржол көпірін салып жатыр
Жүк тасымалы
24.11.2022
Алматы бөлімшесі бойынша құрылыс жүктері мен кендерді тиеу артты
Әлемде
24.11.2022
Жоғарғы орындағы жолаушыларға төменгі орында тамақтануға ресми рұқсат берілді
ҚТЖ келбеті
23.11.2022
Баба ізін басқан шөбере
Әлемде
23.11.2022
Моңғолия 2030 жылға қарай жүк тасымалын 41 млн тоннаға жеткізбек
Жаңалықтар
23.11.2022
«Тальго» пойызына отырған ресейлік блогер сапары жайлы шолу жасады
Жолаушылар тасымалы
23.11.2022
"Бригадир конверті" қызметін 150 мыңнан астам адам пайдаланған
Темір жол тарихы
23.11.2022
95 жыл бұрын Луговой станциясында Түркістан-Сібір магистралінің алғашқы рельсі төселді
ҚТЖ келбеті
22.11.2022
Дөңес кезекшісі