Шу станциясында шағын футболдан жарыс өтті
Тараз қаласы бойынша меншікті тілші
«Әскерилендірілген теміржол күзеті» ЖШС Тараз филиалы кәсіподағының ұйымдастыруымен Шу станциясында атқыштар командалары арасында шағын футболдан жарыс өтті.
Жалпы, спортты серік еткен сарбаздар белсенділігімен танымал, түрлі спорттық шараларда топ жарып жүр. Бұл жолы да дүбірлі жарыста І орын – Шу, ІІ орын – Сарышаған, ІІІ орын – Түрксіб станцияларындағы атқыштар командаларына бұйырды. Жеңімпаз командалар кәсіподақ тарапынан бағалы сыйлықпен марапатталды.
– Жуырда Жамбыл облысы бойынша өткен ММА жекпе-жек сайысында да Шу атқыштар командасының күзетшісі І орынды жеңіп алды. Ал ұлттық компанияның мекемелер арасында ұйымдастырған волейбол жарысында Тараз филиалы ІІІ орынды иеленді. Сондықтан сарбаздар арасында салауатты өмір салтын ұстанғандарды әрдайым қолдап, ынталандырып отырамыз, – дейді филиал кәсіподақ ұйымының төрағасы Данияр Тайбеков.
