«Самұрық-Қазына» АҚ қызметкерлері арасында алғаш қысқы Спартакиада өтті

Спорт
25.02.2025, 09:10
Суреттерді түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

Астанада 22-23 ақпанда «Самұрық-Қазына» АҚ қызметкерлері арасында алғашқы қысқы Спартакиада өтті. Қатысушылар екі спорт түрі: шаңғы және хоккей бойынша сынға түсті. Спорттық іс-шараға қорға қарасты компаниялардан 400-ден астам адам қатысып, екі күн қатарынан елорданы дүбірге бөледі.

«Барыс Арена» спорт кешенінде өткен жарыстың ашылуында мәнерлеп сырғанаушылардың әсерлі шоуы, мұз бен от – мұның бәрі қысқы басты спорттық спартакиаданың сән-салтанатын асыра түсті. Спартакиада алауының жағылуы спортшылармен қатар көпшілікке де ерекше әсер сыйлап, жарыс жолына шыққан командаларға қошемет көрсетіп қол соққан жанкүйерлердің қиқуына ұласып жатты. Жарыс екі күн қатарынан қызу жүрді. Шаңғы сайысында ерлер мен әйелдер 40 жасқа дейін және одан жоғары екі санат бойынша жарыс жолына түсті. Ерлер арасында екі күнде де хоккей ойыны бір толастамай, мықты командалар іріктеліп қалды. Нәтижесінде «ҚазМұнайГаз» АҚ командасының ойыншылары шеберліктерін асырып, хоккейден 1-орынды жеңіп алды. 2-орынды Samruk United, 3-орынды «Қазақстан темір жолы» ҰК» АҚ командалары иемденді.  

Ал шаңғы жарысынан 40 жасқа дейінгі ерлер арасында 2-3 орындарды ҚТЖ қызметкерлері Мәдет Әбікен пен Алексей Янковский иеленді. 40 жастан жоғары ерлер арасында 3-орынға ҚТЖ қызметкері Николай Куяниченко, 40 жасқа дейінгі әйелдер арасында 1-2-3 орындарға ҚТЖ қызметкерлері – Галина Золотухина, Малика Рахимбаева, Лиля Бадртдинова ие болды. 40 жастан жоғары әйелдер арасында 3-орынға ҚТЖ қызметкері Марьяна Дощанова лайық деп бағаланды. Сонымен қатар «Үздік жанкүйерлер» аталымы да Қазақстан темір жолына берілді. Хоккейден «Үздік қорғаушы» аталымын теміржолшы Рүстем Жұмағұлов иеленді. Спорттық дода аясында «Үздік аққала» байқауы өтіп, онда жас теміржолшылар соққан аққала үздік деп танылды. Бұл сайыста басты талап қатысушылар аққаланы өз салаларының ерекшелігіне қарай жасау керек болды.

– Спорт – біздің өміріміздің ажырамас бөлігі. Ал бұл спартакиада әр компаниядағы мықты спортшылардың бірегей мүмкіндіктері мен күшін, төзімі мен командалық рухын көрсетті. Бұл сайыста сынға түскен темірдей төзімді теміржолшылар ҚТЖ қоржынына ең көп жүлде салды. Осылайша компаниямыздың беделі артып, салауатты өмірді сақтауда алда екенін, осы бағытта өз қызметкерлеріне үнемі қолдау білдіретінін тағы да паш етті, – деді «ҚТЖ» ҰК» АҚ аппарат басшысы Серік Кеулімжаев.  

Орталық саябақта өткен спортакиаданың жабылу салтанаты қатысушылар мен елорда тұрғындарына ерекше көңіл күй сыйлады. Балаларға арналған ойын-сауық бағдарламасы аниматорлар ойыны, би, квест, тәтті тағамдар таратылды. Сонымен қатар бағдарлама аясында «Ең креативті аққала» аталымынан басқа «Ең үздік ашылған өндірістік тақырып», «Үздік командалық рух» аталымдары бойынша да марапаттар берілді.  

Қысқасы, ҚТЖ қоржыны жүлдеге толған спорт мерекесі теміржолшыларға ерекше мотивация сыйлады.  

 

Жүк тасымалы
14.07.2025
Қазақ транзитінің жаңа дәуірі басталды – сарапшы
Жаңалықтар
14.07.2025
ОА мен Оңтүстік Азияны жалғайтын теміржолға қатысты құжатқа қол қойылды
Аймақтар
14.07.2025
Берік Уәли Курчатовтағы теміржол кәсіпорнының жұмысымен танысты
Жолаушылар тасымалы
12.07.2025
ҚТЖ жазғы маусымда өзінің барлық бағдарлары бойынша 4,2 млн-нан астам жолаушыны тасымалдауға дайын
Жаңалықтар
11.07.2025
ҚТЖ басшылығы туризмді дамыту мәселелері бойынша көшпелі кеңес өткізді
Жолаушылар тасымалы
11.07.2025
ҚТЖ Астана – Бурабай бағдары бойынша «Burabay Express» жаңа электрпойызын іске қосты
ҚТЖ келбеті
11.07.2025
Мақаттың мақтанышы
Әлеумет
11.07.2025
Астанада кәсіподақтың VI есептік сайлау конференциясы өтті
Жаңалықтар
11.07.2025
Теміржол жөндеуде заманауи техника қолданылуда
Жаңалықтар / Мұрағат
11.07.2025
Қазақстан теміржолшысы газеті, №52 11 шілде 2025 жыл
Жаңалықтар
10.07.2025
ҚТЖ: Қытайдағы негізгі серіктестермен бірқатар уағдаластықтарға қол жеткізілді
Спорт
10.07.2025
Щучинск қаласындағы республикалық спартакиадаға 250 теміржолшы қатысуда
Жаңалықтар
10.07.2025
KTZ Express ЕО елдеріне экспорттық мультимодальды тасымалды ұйымдастырды
Жаңалықтар
10.07.2025
Транскаспий дәлізі: Қазақстанның көлік және цифрлық инфрақұрылымдағы жаңа бағыты
Жолаушылар тасымалы
10.07.2025
Жолаушы мен жолсерік қуанышы (Видео)
Аймақтар
09.07.2025
Арыстағы біліктілік сайысы: вагон қараушылар шеберлігін сынады
Жаңалықтар
09.07.2025
«ИННОПРОМ–2025» халықаралық көрмесінде ЗИКСТО-ның болашағы талқыланды
Жолаушылар тасымалы
09.07.2025
ҚТЖ «Jibek Joly 5.0» туристік пойызының жаңа маусымын іске қосады
Жаңалықтар
09.07.2025
Кірме жолдардағы қозғалыс қауіпсіздігіне бақылау күшейтілді
Жаңалықтар
09.07.2025
ҚТЖ мен Қытай темір жолдары стратегиялық ынтымақтастық туралы жаңа келісімге қол қойды