Шар станциясы бұрын-соңды болмаған көрсеткіштерге қол жеткізіп отыр

Станция тынысы
19.04.2022, 10:55
Қуаныш Қожаев

Абай облысы бойынша меншікті тілші

Бүгінде Шығыстағы Шар станциясы қарбаласқа толы. Алматы, Өскемен, Семей бағдары бойынша үш бағытта қызмет көрсететін 2-ші класты станцияда жұмыс әдеттен тыс қызып тұр. Вагон айналымының артуына жүк тасымалының ұлғайып, тиеу-түсіру жұмыстарының қарқын алуы себеп болып отыр.

Бүгін, мысалы, станцияға тәулігіне 2894 вагон келген. Мұндай толассыз вагон ағыны осыған дейін станция тарихында тіркелмеген деуге болады. Соның нәтижесінде өткен үш айдағы вагон айналымы 3104 бірлікті құраған. Жазғы маусымда бұл көрсеткіштің тағы да өсуі күтілуде.

Тыңнан жасақталатын жүк пойыздарын кестеден кешіктірмеу күн тәртібінде тұр. Таңертеңгілік кезекшілік жүргізу алдындағы нұсқаулықта бұл бағыттағы шаралар міндетті түрде пысықталады. Станция бастығы Бейімбет Бейбітұлы пойыз құрастырушылар үшін тәулік ішіндегі атқарылуы тиіс шараларды бірінші кезекте назарға алады.

Осындай тыңғылықты жұмыстар нәтижесінде өткен тоқсан ішінде 182 пойыз жедел түрде құрастырылып, жолға шығарылған. Өткен жылдың есепті мерзіміндегі көрсеткіш бұдан әлдеқайда төмен болатын. Жалпы, Шар станциясы бойынша вагон іркілісін туғызбау аса маңызды. Станция басында тастанды пойыздардың қалыптаспауына ерекше мән беріледі. Себебі, мұнда транзит ағыны да мол. Әрі үш бағыттан келетін пойыздар түйіседі. Жылжымалы құрамдарды қабылдау, жөнелтуді іркіліссіз сапалы жүргізу – басты талап.

– Соңғы тоқсанның қорытындысы бойынша ұлттық компания клиенттері тарапынан түсетін тапсырыс санының артуы байқалады. Сондықтан, соңғы уақыттарда ұзын құрамдарды әзірлеуді қолға алып жатырмыз. Ауыр салмақты пойыздарды құрастыруға да мүмкіндігіміз мол, – дейді станция бастығы Бейімбет Бейбітұлы.

Станцияның тұрақты клиенті «Беркут» РМК жанармайға беретін тапсырысты арттыру үстінде екен. Оның сыртында жүк тасымалы да ай сайын өсіп келеді. Құрылыс материалы мен жанармай және көмірге тапсырыс көбейген. Сондықтан станцияда негізінен жүк түсіруге баса ден қойылуда. Бұл шаралардан бөлек пандемиядан кейін қайтадан іске қосылған жолаушылар пойыздары да қозғалысқа айрықша ықпал етіп отыр. Мәселен, қайта жанданған қос бағыттағы 351-352 мен 301-302-ші пойыздарды күтіп алу мен шығарып салудың өзіндік тәртібі қайтадан әзірленген. Соңғы үш айдың ішінде 992 жолаушылар пойызы Шарға аялдаған екен. Ал, өткен жылы олардың көлемі тек 503 қана болған еді. Жалпы, қазіргі таңда жолаушылар ағыны мол Шар станциясы тәулігіне 18 жолаушылар пойызы келеді.

Қазіргі уақытта станция қызметкерлері сәуір айының 25 күні басталатын көктемгі комиссиялық бақылауға даярлық шараларын күшейткен. Станциядағы өндірістік процестер толықтай сарапталып, құжатталып, тіркеуге алынуда.

Қалай десек те, бүгінгі таңда Шар станциясының шаруасы түгел. Пандемиядан кейінгі бірден қарқын алған жүк тасымалын жүргізу мен реттеуде бөлімшенің бел ортасында орналасқан станцияның маңызы да өте зор. Ал жергілікті теміржолшылар жауапкершілік үдесінен шығу үшін аянбайды.

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды