Жолшылардың неге машинистерді суқаны сүймейді?
Баршаңызға сәлем! Бүгінгі мақалада жолшылардың неге машинстерді ұната қоймайтыны туралы айтпақпын. Қазіргі уақытта темір жолда әртүрлі қызметтердің жұмыскерлерін бақылауға арналған көптеген автоматтандырылған бағдарламалар жасалды. Бұл ең алдымен, олардың қозғалыс қауіпсіздігі талаптарын және жеке қауіпсіздік шараларын бұзбауы үшін қажет. Сондай бағдарламалардың бірі: «Жолдағы адам» жүйесін де қамтитын АБЖ МЕ (Автоматтандырылған басқару жүйесіндегі машинист ескертулері). Яғни, пойызды басқаратын машинист инфрақұрылымның жай-күйіне, сонымен бірге басқа да қызметттердің жұмысшылары (жолшылар, СОБ-тер, байланысшылар, жүргізушілер және басқалар) темір жолдағы өз міндеттерін қалай орындайтынына назар аударуы керек. Машинист - темір жолдың көзі, һәм, құлағы екені жазылмаған заң. Демек, тәртіп бұзылып, нормалар мен ережелерден ауытқу байқалса, ең алдымен солар аңғарады. Анықтап қана қоймай, жоғарыда көрсетілген жүйеге сәйкес дабыл қағуы тиіс. Мысалы: поезд жақындап келе жатқанда қызметкерлер жұмысын тоқтатпағанда немесе уақытында жолдан кетпегенде, белгі берушінің орнында болмауы немесе рұқсат етілмеген жерде тұруы, дабылқағар құрал-саймандардың болмауы, бар шаруаның бір адамға жүктелуі сияқты қызметкерлер тарапынан қандай да бір ереже бұзушылық анықталған кезде машинист ескертулерді жақын маңдағы станция кезекшісіне хабарлайды. Ал, депоға келгеннен кейін "Машинистің ескертулер кітабына" жазады. Депо бойынша кезекші немесе арнайы қызметкер оны АБЖ МЕ (Автоматтандырылған басқару жүйесіндегі машинист ескертулері) бағдарламасына енгізеді. Бұл бағдарламаның сыры сонда, ескертулердің барлығы ҚТЖ мен кәсіпорындардың барлық деңгейдегі басшыларына ереже бұзушылыққа жол берген жұмысшылар бірден көрінеді. Тиісінше, ескертуді жою үшін тергеу жүргізіп, кінәлі қызметкерді жауапқа тартуға және жазалауға дейінгі әртүрлі сипаттағы шаралар осы бағдарламада шығып тұрады. Өйтпесе темір жолда қозғалыс қауіпсіздігімен, әсіресе жеке техника қауіпсіздігімен ойнауға болмайды. Жалпы, жүйе дұрыс жұмыс істеп тұр деп айтуға болады. Бірақ, машинистерге сан қуалаған жоспарлы шаруалар жүктелгенде мәнісі кете бастайтыны да жасырын емес. Өйткені жоспарды орындау үшін машинистер келсін-келмесін көзіне көрінгеннің бәрін жаза береді. Бәрі емес, әрине, машинстердің көпшілігі ақ-қараны ажырата білетін жандар. Дәл осы ойдан шығарылған, ешқандай обьективтілік жоқ ескертулерді жолшылар мен өзге де қызметкерлердің суқаны сүймейді. Машинист үшін бұл-белгі ғана болса, өзге қызметкерлер үшін – сыйақыдан айырылу, жапа шегу немесе жұмыстан қуылу. Кейін кінәсіз екенін дәлелдеу де оңай шаруа емес. Міне, Автоматтандырылған басқару жүйесіндегі Машинист ескертулері мен «Машинистің ескертулер кітабы» осылай жұмыс істеп жатыр.