Мадрид – Барселона желісінде Frecciarossa 1000 пойыздарын сынақтан өткізу басталды
Испаниялық ILSA жекеменшік оператор Мадрид — Барселона желісінде жоғары жылдамдықты Frecciarossa 1000 пойыздарын сынақтан өткізуді бастады, деп хабарлайды Rail-news.kz.
Бұл Испаниядағы жоғары жылдамдықты магистраль пойыздарын сертификаттау мен оларды коммерциялық пайдалануға беру алдындағы тестілеудің соңғы кезеңі.
ILSA консорциумының құрамына италиялық Trenitalia ұлттық жолаушы операторы мен испандық Air Nostrum аймақтық әуе компаниясы кіреді. Енді Испанияда iryo брендімен Frecciarossa 1000 пойызының 23 данасы қызмет көрсететін болады.
Аталған компания жолаушыларды жоғары жылдамдықты пойызбен тасымалдауды 2022 жылдың соңына қарай бастауды жоспарлап отыр. Билеттерді сату қыркүйек немесе қазанда басталады.
Айта кетсек, Frecciarossa 1000 (ETR 1000) пойыздарын италиялық Hitachi Rail құрастырады. Олар Bombardier Transportation компаниясымен бірлесіп әзірленген.