АҚШ темір жол инфрақұрылымын дамытуға 1,4 млрд доллар бөлмек
АҚШ көлік министрлігі елдің темір жол инфрақұрылымын дамытуға және нысандар маңындағы қауіпсіздікті арттыруға 1,4 млрд доллар бөлінетінін мәлімдеді.
Көлік министрлігінің мәліметінше, мұндай ірі көлемдегі қаржыландыру инфрақұрылым мен жұмыс орындарын инвестициялау жөніндегі заңның енуімен мүмкін болып отыр. Бұл Consolidated Rail Infrastructure and Safety improvement (CRISI) бағдарламасының бір бөлігі, оны АҚШ федеральды темір жол әкімшілігі жүзеге асырады. Аталған қаражат жолаушылар мен жүк тасымалына қатар бағытталады.
Қабылданған заң CRISI қаржыландыруын үш есе ұлғайтады, оған қоса әр түрлі деңгейдегі теміржол саласына қатысты өсіп келе жатқан инвестиция сұранысын қанағаттандырмақ.
CRISI аясында қаржыландырылатын қаражаттың кем дегенде 25%-ы ауылдық жерлердегі жобаларға жұмсалады.