Улы зат тасымалдаған пойыз апатынан 45 мыңға жуық жануар қырылды
АҚШ-тың Огайо штатында улы зат тасымалдайтын пойыз апаты салдарынан 45 мыңға жуық жануар қырылып қалды. Оқиға 3 ақпан күні Шығыс Палестина қаласына жақын жерде болған, деп хабарлайды Rail-news.kz ҚазАқпарат-қа сілтеме жасап.
Ресми тұлғалардың хабарлауынша, жануарлардың өлекселері апат болған жерден 5 миль (8 км) радиуста табылған. Қалада апат салдарын жою жұмыстары әлі де жалғасуда. Федералды тергеу басталды.
BBC-дің мәліметінше, пойыз апаты салдарынан 38 вагон рельстен шығып кеткен, оның 11-інде қауіпті жүк болған. Огайо Табиғи ресурстар департаментін (ODNR) басқаратын Мэри Мерц бейсенбіде өткен баспасөз мәслихатында өлі табылған 43 700 жануардың барлығы су түрлеріне жататынын және құрлықтағы жануарлардың өліміне ешқандай дәлел жоқ екенін айтты. Ол сондай-ақ жануарлардың ешқайсысы жойылып кету қаупі төнген түрлерге жатпайтынын және жануарлардың үш апта бұрын пойыз апатынан кейін қырылып қалғанын жеткізді.