175 жылдық тарихы бар темір жол туннелі қайта жаңғыртылмақ
Ұлыбританияда 1848 жылы салынған Меир теміржол туннеліне жөндеу жұмыстары жүргізілмек. Англияның теміржол инфрақұрылым операторы Network Rail жөндеу жұмыстарына 2 млн ф. ст. қаражат бөлмек. Аталған туннель елдің батысында Стаффордшир салтанатты округіндегі Лонгтон мен Блайт станциялары арасында орналасқан, деп хабарлайды Rail-news.kz.
Мамандардың айтуынша, Лонгтон-Блайт аралығындағы темір жол желісі 1968 жылдан бері жөндеу көрмеген. Аталған жоба аясында 1,6 шақырымға жуық рельс, балласт қабаты мен шпал ауыстырылмақ. Жөндеу жұмыстары кезінде, нақтырақ 2023 жылдың 5-12 наурызы аралығында туннелде пойыздар қозғалысы шектеледі. Бұл кезеңде жолаушыларды арнайы автобустар тасиды.
Network Rail ұйымының мәліметінше, Меир туннеліне жөндеу жүргізілген соң, ол алдағы 50 жылда жолаушылар пойыздарының қозғалыс кестесінің сенімді орындалуын қамтамасыз етеді.