Еуропалық комиссия Испанияны темір жол заңнамасына байланысты сотқа берді
Еурокомиссия Испанияға қарсы Еуропалық Одақтың Сотына шағым түсіру туралы шешім қабылдады, себебі бұл елдің ұлттық заңнамасында 2012/34/EU директивасының бірыңғай еуропалық темір жол құру туралы ережелерін дұрыс көрсету шарттары сақталмай отыр, деп хабарлайды Rail-news.kz.
Комиссия Испанияның ұлттық теміржол заңнамасының бірқатар ережелері Директиваның ережелеріне сәйкес келмейді деп есептейді.
Атап айтқанда, испандық теміржол инфрақұрылымы операторы (ADIF) әкімшілігінің инфрақұрылымға қол жеткізу үшін алымдарды белгілеу, темір жол кәсіпорындарын коммерциялық қағидаттар негізінде басқару және мердігерлермен келісімшарттарды әзірлеу тәуелсіздігі қамтамасыз етілмеген.
2012/34/EU директивасының ережелерін орындауға қатысты Еуропалық комиссияның талаптары алғаш рет Испанияға 2018 жылы жіберілген. Жауап ретінде Испания кейбір талаптар ұлттық ережелерде ескерілгенін, ал басқалары бойынша жұмыс жалғасып жатқанын хабарлады.
Алайда Еуропалық комиссия директиваның талаптары дұрыс орындалмаған деген пікірде.