Talgo бірегей жүрдек пойызын жасауда
Испанияның Talgo теміржол инжинирингтік компаниясы сутегі отын элементтерімен жүретін жоғары жылдамдықты жылжымалы құрамды жасауда. Бұл әлемде жасалып жатқан алғашқы өндіріс.
Hympulso жобасы аясында Talgo 250 пойызының екі дизельдік вагонының бірін экологиялық таза сутегі отын элементтерімен және аккумуляторлармен жабдықталған вагонға ауыстырмақ.
Аталған жобаға Talgo-дан басқа да компаниялар қатысуда: Golendus, Ingeteam, Optimus3D, Repsol, Sener, Universidad Pontificia Comillas, Tecnalia. Сондай-ақ серіктес ретінде Испанияның ұлттық теміржол инфрақұрылымының операторы Adif болып табылады. Оның жобаға қатысуы сутегімен жұмыс істейтін көліктерге арналған қауіпсіздік талаптарын әзірлеуге және жанармай құю станцияларының жүйесін ұйымдастыруға мүмкіндік береді.
Talgo өкілі жоба нәтижесінде теміржолға бейімделген сутегімен жабдықтау қондырғыларын және аралықты автоматты түрде өзгертетін жолаушыларға арналған гибридті бимодальды пойыздың инновациялық прототипін бірлесіп шығаруға мүмкіндік беретінін атап өтті.