Қытай темір жолдары 2025 жылы жолаушылар тасымалы бойынша рекорд орнатты

2025 жылдың алғашқы тоқсанында Қытайдың темір жолдары жолаушылар тасымалы көлемі бойынша жаңа рекордқа қол жеткізді – 1 миллиардтан астам адам тасымалданған. Бұл көрсеткіш өткен жылмен салыстырғанда 5,9%-ға артық, деп хабарлайды Rail-news.kz.

Рекордтық сан тек ел ішіндегі жолаушылар санының артуымен ғана емес, сонымен қатар шетелдік туристердің қызығушылығының өсуімен де байланысты. Туристер саны 30%-ға өсіп, 3,66 миллион адамға жеткен.

Сұраныстың артуына байланысты Қытай темір жолдары рейстер санын 7,4%-ға көбейтті, ал туристік пойыздар саны 30%-ға артты. Сонымен қатар, көп аялдамасы бар бағыттар да қарқынды дамып жатыр, бұл шалғай өңір тұрғындары үшін сапарларды ыңғайлы етеді.

Қытай — Лаос бағыты да танымал бола түсуде. 2025 жылдың алғашқы тоқсанында бұл бағытпен 85 мың жолаушы тасымалданған, бұл өткен жылмен салыстырғанда 32,2%-ға көп.

Сондай-ақ жүк тасымалы көлемінің өскені байқалды — 970 миллион тоннаға жеткен. Бұл Қытайдың инфрақұрылымы тұрақты дамып келе жатқанын және оның жаһандық логистикадағы рөлінің артып отырғанын көрсетеді. Ал негізгі қорларға салынған инвестициялар 131,2 миллиард юаньды (шамамен 18,2 миллиард АҚШ доллары) құрады.

Бұл жетістіктер Қытай темір жолдарының халықаралық аренадағы орнын нығайтып, жолаушылар мен жүк тасымалында тұрақты өсімге қол жеткізіп жатқанын дәлелдейді.