Жұмысшылар үшін мобильді үйлер көбейеді
«Қазақстан теміржолшысы» газетінің тілшісі
«ҚТЖ» ҰК» АҚ «Магистральдық желі дирекциясы» филиалы желілік кәсіпорындардағы өндірістік жұмыскерлер үшін әлеуметтік-тұрмыстық инфрақұрылымды жаңарту бойынша жоспарлы жұмыстар жүргізбек.
Осы жылдың соңына дейін ұлттық компанияда 102 модульдік ғимарат сатып алып орнату жоспарланып отыр. Өндірісте қызмет ететін теміржолшылардың тұруына арналған модульдер ең қажетті жабдықтармен, яғни желдеткіш, су жылытқыш, электр пештері, асханаға және демалуға арналған жиһаздар, ыдыс-аяқтар мен төсек жабдықтары және тағы басқа керек дүниелермен қамтылған. Былтыр ұлттық компания көлемінде барлығы 74 мобильді қосын орнатылған болатын. Бұл модульдердің әсіресе табиғаты қатал өңірлердегі теміржол бойында жұмыс істейтіндер үшін қажеттілігі аса зор. Мәселен, Маңғыстау өңіріне өткен айда жаңа үлгідегі осындай 15 үй жеткізілген болатын.