Ұлық мереке Маңғыстау теміржолында кең көлемде аталып өтті
Маңғыстау облысы бойынша меншікті тілші
Елдігіміздің белгісі болған ұлық мереке Маңғыстау теміржолында кең көлемде аталып өтті. Теміржолшылардың бас ғимаратында бас қосқан сала еңбеккерлерін бөлімше басшылығы мен кәсіподақ өкілдері құттықтады.
Маңғыстау теміржолшы-ардагерлер кеңесінің төрағасы Амандық Алдабергенов Республика күні жарияланған өткен жылдардан әдемі естелік айтты. Белгілі датаның егемен еліміз үшін маңызына тоқталып, теміржолшыларға тілегін арнады.
Маңғыстау қосалқы бөлімі бастығының орынбасары Ғалым Әлімғалиұлы бір топ теміржолшыға түрлі марапат белгісін табыс етті. Маңғыстау станциясының парк кезекшісі Бекболсын Асқаров компания президентінің Құрмет грамотасымен марапатталса, Сай-Өтес станциясы техникалық қызмет көрсету пункті бастығы Аманғали Жүсіпов «Адал еңбегі үшін» төсбелгісін алды. Жетекші инженер-технолог Айнұр Алдабергенова «Үздік маман» атанса, Құрық порты станциясының жүк және багаждарды қабылдап тапсырушысы Гүлжазира Жалмурзина мен тауар кассирі Айгүл Жанбузова «ҚТЖ-25 жыл» медалімен марапатталды. Мұндай марапат Маңғыстау станциясы вагондар қозғалысының жылдамдығын реттеуші Олжас Нұрмамедовке, пойыз құрастырушы Нұрмұханбет Балғабаевқа, станция қызметкері Қарлығаш Ахметоваға, жетекші бухгалтер Армангүл Ниязоваға, есепші Саламат Әшіғалиевке, компрессорлық құрылғы машинисі Жексенбай Түйебаевқа, вагон жөндеуші қараушысы Хамит Таировқа да табысталды.