Теміржолшылар жаңа наградалармен марапатталды

Жаңалықтар
25.10.2024, 11:11
Суретті түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

Республика күніне орай «ҚТЖ» ҰК» АҚ мәжіліс залында сала теміржолшылары бас қосқан салтанатты мерекелік жиын өтті. Онда ерекше еңбегімен көзге түскен қызметкерлерді ҚР Көлік министрі Марат Қарабаев, «Самұрық-Қазына» АҚ басқарма төрағасы Нұрлан Жақыпов және «ҚТЖ» ҰК» АҚ басқарма төрағасы Нұрлан Сауранбаев марапаттады. Биылғы жылдың ерекшелігі – Мемлекет басшысының еңбек адамының мәртебесін және жұмысшы кәсіптерінің беделін арттыру жөніндегі бастамалары шеңберінде теміржолшылар үшін жаңа марапаттардың енгізілгендігі болды.

Атап айтқанда, ҚТЖ корпоративтік наградаларының тізімі «Теміржол даңқы» медалі, «Теміржол саласында 10, 20, 30 жыл қызметі үшін», «Локомотивте апатсыз 500 000 км, 1 000 000 км», «Үздік жас маман», «Үздік теміржол ұжымы» белгісі және тағы басқа құрметті атақтармен толықты. Республика күнін мерекелеу қарсаңында мемлекеттік наградаларға, «Құрметті теміржолшы» белгісіне және басқа да атақтарға магистральдің дамуына елеулі үлес қосқан 4000-нан астам адам ие болды. Олардың қатарында жол монтерлері, байланысшылар, энергетиктер, машинистер, жолсеріктер, қозғалысты қамтамасыз етушілер, вагоншылар, әскерилендірілген теміржол күзет қызметкерлері және сала ардагерлері бар.  

ҚТЖ бүгінде өндірістік және экономикалық көрсеткіштері жағынан жоғары қарқынмен тұрақты даму жолына түсті. Биылғы 9 айдағы жүк айналымы 196 млрд тонна км-ны құрады. Контейнермен транзиттік тасымал көлемі 1 млн-нан астам ЖФЭ болды. Бір мың шақырымнан астам жол жөндеуден өткізілді. Жылжымалы құрамды жаңарту жұмыстары жалғасуда. Ірі инфрақұрылымдық жобалар жүзеге асырылуда.  

– Осы жыл біз үшін ерекше. Қазақ жерінде алғашқы теміржолдың салынғанына 120 жыл толды. Бүгінге дейін аянбай еңбек етіп келген ардагерлердің орны бөлек. Биыл Қазақстанның әр өңіріне барып, нысандарды аралап, жұмысшылармен кездестік. Теміржолдың тұрақты дамып келе жатқанына көз жеткіздік. Соңғы 30 жыл ішінде 2,5 мың км теміржол салынды. 2030 жылға дейін біз 5 мың км жолды салып, жаңғыртамыз және 11 мың км жолды жөндеуден өткіземіз. Локомотив паркі де қарқынды түрде жаңартылуда. «Біздің жолдарымыз – темір, ал адамдарымыз – алтын» деген нақыл сөз тараған, бұл сөздің жаны бар. Жоғарыда аталған жұмыстардың бәрі де сіздердің арқаларыңызда жүзеге асырылып отыр. «Бірлік бар жерде тірлік бар» демекші, бірлесе отырып, одан да үлкен жетістіктерге жете берейік, – деді компания басшысы.  

Барлық көрсеткіштер бойынша жоғары нәтиже көрсеткен 13 ұжым «Үздік теміржол ұжымы» атауымен марапатталды.  

Сонымен қатар «Үздік энергетик», «Үздік жол шебері», «Үздік байланысшы», «Үздік жүк тасымалдаушы», «Үздік машинист», «Үздік вагоншы», «Үздік күзетші», «Үздік жолсерік», «Үздік жас маман», «Үздік құрылысшы», «Үздік рационализатор» номинациялары да жекелеген теміржолшыларға берілді.  

Бұрыннан бар «Қозғалыс қауіпсіздігі үшін», «Адал еңбегі үшін», «Кәсібі бойынша үздік» медальдарымен қатар «Теміржол саласында 10 жыл мінсіз қызметі үшін», «Теміржол саласында 20 жыл мінсіз қызметі үшін», «Теміржол саласында 30 жыл мінсіз қызметі үшін» атағымен 3 адам,1 адам «Ерлігі үшін», 12 адам «І дәрежелі Теміржол даңқы» медалімен марапатталды. «Құрметті теміржолшы» белгісін 4, «Ерен еңбегі үшін» мемлекеттік наградасын 4 адам алды. Жаңадан енгізілген және бұрынғы бірқатар марапаттардың қосымша сыйақысы да бар.  

Салтанатты жиын соңы компания қызметкерлері және олардың балаларының қатысуымен өткен мерекелік концертке ұласты.  

Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын
Инфрақұрылым
21.08.2025
Құлсары жолы жаңарып жатыр
Жаңалықтар
20.08.2025
ҚТЖ Қытай инвесторларымен Каспий логистикасын кеңейту мәселесін талқылады
Жүк тасымалы
20.08.2025
ҚТЖ мен ірі жүк жөнелтушілер жыл соңына дейін тасымалдау жоспарларын талқылады
Жүк тасымалы
20.08.2025
Орта дәліз: Чэнду қаласынан шыққан контейнерлер 15 күнде Карсқа жетті
Трансформация
20.08.2025
Елде теміржол техникасын өндіру көлемі еселеп артты
Цифрландыру
20.08.2025
Цифрлық технологиялар тасымал тиімділігін 45%-ға арттырады – Жаслан Мәдиев
Инфрақұрылым
19.08.2025
Үкіметте теміржол саласын жаңғырту мәселелері қаралды