"KTZ Express" қытайлық серіктеспен екі меморандумға қол қойды
"ҚТЖ" ҰК" АҚ-да еншілес ұйым - "KTZ Express" АҚ және Қытай-Еуропа бағыты бойынша контейнерлік тасымалдауды ұйымдастыруға маманданған қытайлық YXE Trading Service Group Co., Ltd. логистикалық компаниясы арасындағы ынтымақтастық туралы екі меморандумға қол қойылды. Құжаттар Қазақстан аумағында транзиттік тасымалдар мен логистикалық инфрақұрылымды дамытуға бағытталған, деп хабарлайды Rail-news.kz.
Ақтау қаласында "Ақтау халықаралық теңіз сауда порты" Ұлттық компаниясы" АҚ қатысуымен Ақтау порты арқылы жүк ағынын дамыту және оның терминалдық қуаттарын кеңейту туралы меморандумға қол қойылды. Тараптар қолайсыз ауа-райына төзімді заманауи айлақтық контейнерлік крандарды, сондай-ақ ірі тоннажды контейнерлік кемелерді сатып алуға бірлескен инвестициялар туралы уағдаласты, бұл Каспий теңізі арқылы үздіксіз тасымалдауды қамтамасыз етуге мүмкіндік береді.
Астана қаласында Қытай – Еуропа бағыты бойынша тасымалдау көлемін ұлғайтуға қатысты екінші Меморандумға қол қойылды. Келісім транзиттік жүк ағынын ұлғайту, логистикалық процестерді оңтайландыру, сондай-ақ Қазақстанда да, одан тыс жерлерде де көлік инфрақұрылымын дамытудағы күш-жігерді үйлестіру бойынша бірлескен жұмысты көздейді.
Қытайлық әріптестермен уағдаластықтар көлік-логистикалық инфрақұрылымды одан әрі дамытуға және Қазақстан арқылы жүк тасымалдарының тиімділігін арттыруға ықпал етеді.