«ИННОПРОМ–2025» халықаралық көрмесінде ЗИКСТО-ның болашағы талқыланды
«ИННОПРОМ–2025» халықаралық өнеркәсіптік көрмесі аясында Солтүстік Қазақстан облысының кәсіпкерлік басқармасының басшысы Railways Systems KZ компаниясы бас директорының орынбасарымен кездесті, деп хабарлайды Rail-news.kz сайты Petropavlovsk.news-ке сілтеме жасап.
Екатеринбург қаласында өткен «ИННОПРОМ–2025» халықаралық көрмесі аясында Солтүстік Қазақстан облысы делегациясының Railways Systems KZ ЖШС-нің пайдалану және өндіріс жөніндегі бас директорының орынбасары А. Әбейлдиновпен кездесуі өтті.
Кездесу барысында Солтүстік Қазақстан облысындағы ірі машина жасау кәсіпорындарының бірі — «ЗИКСТО» ЖШС-нің қазіргі және болашақтағы даму бағыттары талқыланды. Өндірістік қуаттылықты арттыру, жабдықтарды жаңғырту және заманауи технологияларды енгізу мәселелері бойынша пікір алмасылды.