Зейнеткерлер марапатталды
«Қазақстан теміржолшысы» газетінің тілшісі
Жаңа жыл мерекесі қарсаңында және Қазақстанның теміржол кәсіподағы қозғалысы- ның 120 жылдығына орай «Қазтеміржолкәсіп» ҚБ басшылығы кәсіподақ қызметіне еңбегі сіңген зейнеткер теміржолшыларды «Кәсіподаққа-120 жыл» мерейтойлық төсбелгісімен марапаттады.
– Мерейтой жыл бойына жалғасады. Оны біз биыл «Бірлікте күш, тарихта мақтаныш» ұранымен өткіздік. Ғылыми-практикалық конференция да ұйымдастырдық. Бүкіл Қазақстанға елдегі ең алғашқы кәсіподақ теміржол саласында құрылғанын дәлелдедік. Көптеген іс-шаралар өткізілді. Міне, енді жылдың соңында кәсіподақ ісіне адал қызмет еткен бірнеше әріптестерімізді де марапаттауды жөн көрдік, – деді «Қазтеміржолкәсіп» ҚБ төрағасының кеңесшісі Жұпарбек Сәбитов.
Мерейтой төсбелгісімен ардагер теміржолшылар және кәсіподақтың зейнеткер қызметкерлері Амангелді Жексенбаев, Виктор Пак, Нұрлан Нұрпейісов, Сергей Акаемов марапатталып, оларға арнайы сыйлықтар табысталды. Олар өмір бойы теміржол саласында табанды еңбек ете жүріп, қоғамдық жұмысқа да белсенді араласты. Қарапайым жұмысшы мен жұмыс беруші арасындағы байланысты нығайтуға, теміржолшылар мүддесін қорғап, еңбек жағдайының сақталуын қадағалауға септік етті.