Машина жасау саласының жетістіктері

Жаңалықтар

20.12.2016, 10:20

«Қазақстан темір жолы» ұлттық компаниясының тәуелсіздік жылдары қол жеткізген жетістіктерінің шоқтығы биік шыңы – Машина жасау саласында қол жеткізген табыстары десек артық емес. Бүгінде темір жол көлігінің машинажасау саласы жылжымалы құрамның бірнеше түрін жасайтын зауыттар мен жол құрылысының қажетті материалдарын шығаратын өндіріс орындарымен мақтана алады. Локомотив құрастыру зауыты «ҚТЖ» ҰК» АҚ-ның еншілес кәсіпорны «Локомотив құрастыру зауыты» АҚ «Қазақстанның Күшейтілген Индустриялы Инновациялық Дамуы» мемлекеттік бағдарлама шеңберінде 2009 жылғы 3 шілдеде құрылды. «ҚТЖ» ҰК қызметкерлері 2006 жылы General Electric американ компаниясымен уағдаластық жасағаннан кейін, аймақтың климаттық ерекшеліктерін, рельстік төсемін, тасымалданатын жүктердің ерекшеліктерін, қазіргі экологиялық талаптарды және санитарлық нормаларды ескере отырып қазақстандық тепловоз сай болатын техникалық сипаттама әзірлей бастады. Атқарылған жұмыстардың нәтижесі: Қазақстанда жиналған ТЭ33А - Evolution сериялы бесінші ұрпақты бірінші жүк магистарльды бір секциялы тепловоздың тұсау кесері 2009 жылғы 7 желтоқсанда болып өтті. Бүгінгі күнде кәсіпорын конвейерінен ТЭ33А локомотивтерінің 180 бірлігі шықты. Зауыттың жобалық қуаты жылына 100 жүк магистарльды локомотивтерді құрайды. «ЛҚЗ» АҚ 2012 жылдың мамыр айынан бастап толық қуатына көшті – айына 8 тепловоз. Электровоз құрастыру зауыты 2012 жылғы желтоқсан айында ҚР Президентінің, «ҚТЖ» ҰК» АҚ, Alstom, «Трансмашхолдинг» ЖАҚ басшылықтарының және ТМД елдерінің теміржол әкімшілігі басшыларының қатысуымен электровоздарды құрастыру зауыты салтанатты түрде ашылды. Кәсіпорынның жылдық өндірістік қуаттылығы 100 ауыспалы тоқтағы KZ8A магистралды жүк электровоз бен ауыспалы тоқтағы KZ4AТ жолаушылар электровозын, өндірістік объектінің жалпы көлемі аумағымен қоса алғанда 7,5 Га құрайды. Өндірістік үй-жайлардың көлемі - 27 522 м2, әкімшілік-тұрмыстық корпус көлемі 3.500 м2. Зауыт жұмысшыларының толық қуаттылығы кезіндегі жалпы саны – 650 адам. Жұмыс істейтін кәсіпорындармен барынша кооперация жасау және көліктік-машина құрылысы кластеріне интеграция жасау мақсатында зауыт «Астананың индустриалды паркі» арнайы экономикалық аумағында орналасқан, ол сондай-ақ кәсіпорынға салықтар мен кедендік баждарды төлеу бойынша жеңілдіктер береді. «Тұлпар-Тальго» жолаушылар пойыздарын құрастыру зауыты 2011 жылы Астана қаласында ТМД елдерінде баламасы жоқ «Тұлпар-Тальго» жолаушылардың жүрдек вагондарын шығаратын зауыт салынды. Оның құрылысын «ҚТЖ» АҚ мен «Patentes Talgo» испандық компаниясы бірлесіп жүргізді. Жоба ҚР Президенті Нұрсұлтан Назарбаевтың қолдауымен үдемелі индустриалды-инновациялық мемлекеттік бағдарламасы шеңберінде жүзеге асырылған. Өндіріс ғимаратының жалпы көлемі 31 мың шаршы метрді құрайды. Зауыттың жылдық өндірістік қуаттылығы – 150 вагон. «Тұлпар-Тальго» вагондарының өндірісінде сапаның Еуропалық стандарттарына сәйкес қазіргі заманғы озық технология мен материалдарды пайдалану нәтижесінде сағатына 200 шақырым жылдамдыққа жетуге мүмкіндік туды. Вагондарды пайдалану мерзімі - 40 жыл. Ақтөбе рельсарқалық зауыты ҚР Үкіметінің 2014 жылдың 24 ақпанындағы №126 Қаулысына сәйкес «Ақтөбе рельсарқалық зауыты» ЖШС-нің «Ақтөбе қаласында жобалық қуаты жылына 430 000 тонна рельсарқалық зауытының құрылысы» жобасы «Қазақстанның Индустрияландыру картасына» енгізілді. 2014 жылдың нәтижелері бойынша «АРБЗ» ЖШС «Жылдың ең үздік индустриалдық жобасы» номинациясында ҚР Президентінің «Алтын Сапа» арнайы сыйлығының иегері атанды. «АРБЗ» ЖШС-нің өнімі: ұзындығы 120 м дейінгі Р-65 рельстері, орта пішінді илек. Зауыт қызметінің негізгі бағыты – жоғары жылдамдықты теміржол магистральдерін салуға арналған рельстер шығаруды ұйымдастыру және де отандық кәсіпорындарды әлемдік стандарттарға сай келетін жоғары сапалы өніммен қамтамасыз ету. Зауыттың жобалық қуаты – 430 мың тонна дайын өнім, оның ішінде 200 мын тонна рельс және 230 мың тонна пішінді илек, қазақстандық нарықтың қажеттіліктерін толықтай қамту және экспорттық жабдықтауларды жүзеге асыру жоспарланған. Зауыт шығаратын 120-метрлік жоғары ұзындықты рельстердің ТМД аймағында баламасы жоқ және олар жоғары жылдамдықты магистральдарға арналған.

Машина жасау саласының жетістіктері

Басқа да жаңалықтар