Шымкент станциясында өндіріс жарақатының алдын алу шарасы өтті

Қауіпсіздік
22.11.2024, 09:03
Нұрлыбек Досыбай

Түркістан облысы бойынша меншікті тілші

Шымкент станциясында «Еңбек тәртібін нығайту – өндіріс жарақатын алдын алудың негізі» тақырыбында 2 айлық шара өтті. Мақсатты іс-шараның маңыздылығы сол – өндірістік жұмыс аумағында қандай да бір қауіп-қатерді байқаған кез келген теміржолшыға тұтас жұмыс процесін тоқтатуына толық құқық береді.

Шымкент станциясының еңбек қорғау бойынша жетекші инженері Ордабай Төлбасы келтірген деректерге сүйенсек, тамыз айының орта шенінде басталған қауіпсіздік айлығы қазан айының соңына дейін жалғасқан.  

– Егер теміржолшы адам өміріне қауіп төндіретін қандай да бір олқылықты байқаған болса, жұмыс процесі тұрмақ, қозғалыс үстіндегі жылжымалы құрамның өзін дереу тоқтатуға толық құқылы. Ұлттық компания басшылығы осындай ұйғарым шығарған. Бұл дегеніміз адам өмірі мен оның қауіпсіздігі басты құндылық екендігін көрсетеді, – дейді Төлбасы Сырданұлы.  

Бір қызығы, теміржолшылар арасында бұл шара кеңінен насихатталып, еркін қолданысқа енгенімен, өндірістік процесті кілт тоқтату оқиғасы тіркелмеген. Бірақ босаңсып кеткен кейбір қызметкерлерге шара қолданылыпты. Айталық, өзін тым еркін сезінген кейбір станция кезекшілері ұсақ-түйек болса да адам өмірі үшін маңызы жоғары кей ережелерді тіптен елемеген көрінеді. Ал енді ондай олқылықтар қалай анықталған дегенге келсек, Қауіпсіздік айлығы аясында белгілі болыпты. Станция аумағындағы үш нүктеге – дөңес кезекшісі мен маневрлік диспетчер және парк кезекшісі отыратын кабинеттерге дыбыс жазу құрылғысы мен бейнебақылау камерасы орнатылыпты. Бұл қандай да бір қауіпті жағдай орын алған сәтте парк кезекшісінің әрекетін бағалау мақсатында қажеттілік туындайды деген ниетпен қойылса керек. Одан бөлек қызмет сәтінде парк кезекшісінің әрбір амал-әрекетінің жауапкершілігін сезіндіруде таптырмас құрал екені сөзсіз. Яғни станция немесе парк кезекшісі, маневрлік диспетчер «кеңседе жалғыз өзіммін, менен басқа ешкім ештеңе көрмеді я естімеді» деп еркінсуіне ешқандай да негіз жоқ. Себебі үстел үстінде маманның аузынан шыққан әрбір сөзді жазып алатын таспа тұр, ал төбесінен «кірпік қақпай» төніп тұрған бақылау камерасы бар...  

Шымкент станциясында аптаның әр сәрсенбісі қауіпсіздік күні арнайы отырыс өтуі дағдыға айналған. Қауіпсіздік мәселесін қызу талқылаған сондай бір жиында бақылау камерасын ашып қарап, бірқатар олқылықтарға көз жеткізілген. Әрине олар тәртіптік жазаға тартылып, тиісті деңгейде шара қолданылған.  

Сонымен қатар станцияда сала жетекшілерінің ұйымдастыруымен арнайы дәрістер ұйымдастырылып тұрады. Айлық аясында бөлімшенің бас инженері Ілияс Нұржановтың басқаруымен станциядағы техникалық кабинет пен парк аумағында теориялық және практикалық сабақ өткізілген. Сонымен қатар станция бастығының да арнайы сабақтары бірнеше рет ұйымдастырылған. Станциядағы барлық қауіпсіздік белгілері жаңартылып, көзге түсер тұстарға қойылған белгілердің түнгі мезгілде де анық көрінуі үшін жарықтандырылған. Мұның бәрі өндірістік жұмыс орындарында жарақат алу көрсеткішін төмендетуді көздеген екі айлық аясындағы жұмыстар.

 

Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет