Ақмола бөлімшесі инфрақұрылымды жаңартуды және инновацияларды енгізуді жалғастыруда
Ақмола бөлімшесі өз инфрақұрылымын дамытуға және жаңғыртуға белсенді инвестиция салуды жалғастыруда, бұл магистральдық желіде қызмет көрсету сапасы мен қауіпсіздікті жақсартуға ықпал етеді. Биыл Көкшетау, Елтай және Уголки қосалқы станцияларында тартқыш трансформаторларды қоса алғанда, негізгі объектілерді жаңарту бойынша жұмыстар кешені орындалды, деп хабарлайды Rail-news.kz.
Сонымен қатар, байланыс желісі жаңартылып, жол шаруашылығына күрделі жөндеу жүргізілді. Биыл заманауи материалдарды пайдалана отырып, 110,4 км жол жөнделді, сондай-ақ 12 км жол төсеміне орташа жөндеу жүргізілді. Бұл іс-шаралар теміржол инфрақұрылымының сенімділігін арттыруға және пойыздар қозғалысы қауіпсіздігін қамтамасыз етуге бағытталған.
Бөлімше жұмысының маңызды бөлігі еңбек жағдайларын жақсарту және қызметкерлер үшін қолайлы жағдай жасау болып табылады. Биыл 12 өндірістік ғимаратқа жөндеу жұмыстары аяқталды, сондай-ақ ЭО бекеттері мен қызметкерлерге арналған модульды ұй жайларды қоса алғанда, жаңа объектілерді жөндеу және салу жұмыстары басталды.
2024 жыл тасымалдауды басқарудың жаңа технологияларын енгізген жыл болды. Көкшетау — Астана учаскесінде диспетчерлік орталықтандырудың микропроцессорлық жүйесі енгізілді, ол пойыздар қозғалысын басқарудың тиімділігі мен қауіпсіздігін едәуір жақсартты. Көкшетау — Петропавл және басқа да учаскелерде диспетчерлік топтарды жаңғырту жалғасуда.