Түбек темір жолында еңбек қорғау күніне орай семинар өтті

Аймақтар
04.05.2022, 10:16
Шахида Жұман

Маңғыстау облысы бойынша меншікті тілші

Маңғыстау қосалқы бөлімінде еңбек қорғау күніне арнайы семинар өтіп, басқосудың соңы осы бағытта ұйымдастырылған байқауларда топ жарған үздіктерді марапаттауға ұласты. 

Семинар о дүниелік болғандарды бір минуттық үнсіздікпен еске алудан басталды. Жиында еңбек қорғау, жұмыстағы қауіпсіздікті сақтау, қоғамдық инспекторлар жұмысы мен олардың міндетін атқаруға кедергі келтіретін мәселелер көтерілді. Маңғыстау қосалқы бөлімі басшысының орынбасары – бас инженер Қарақат Жақановеңбек талаптарынынң бәрі де өз орнымен орындалу керек, дегенмен адам құндылығы, оның қауіпсіздігін ешқашан ұмытпау қажет деді.  Сондай ақ, қосалқы бөлімде өткен жыл және биылғы жылдың бірінші тоқсанында өндірістік жарақат алу деректері тіркелмегені, демек еңбек қорғау мәселесіне жеткілікті көңіл бөлініп отырғаны айтылды.

Қазақстан теміржолшылары кәсіби одағының өңірдегі өкілі Әзірбай Тұрмағанбетов Маңғыстау жүк тасымалы бөлімі бойынша құрылған өндірістік кеңестің жұмысы туралы баяндады. Айтуынша, қазір бөлім бойынша 10 техникалық инспектор қызмет етеді. Олардың қатары осы жылы ақпанда жаңа құраммен толыққан. Аталған техникалық инспекторлардың төртеуі биыл жыл басынан бері оқытылып, біліктілігін арттырған. Қалғанын екінші тоқсан соңына дейін оқыту жоспарланған. 

-Еңбек қауіпсіздігін қорғау саласында басшылардың, сала мамандарының біліктілігін тексеру, оларды оқыту, арнайы сертификат алу шаралары, оған жұмсалатын қаржы көзедірн ұжымдық шартпен айқындалып, нақты орындалып отыруы тиіс. Бірінші кезекте сала бойынша нұсқамалық ережелер жасау, онымен таныстыру мекеменің тікелей басшысының міндеті. Адам құқығы, оның қорғалуы жөнінде әрбір мекеме басшысы қатаң тәртіп орнатып, қауіпсіздік шараларының бұзылуына жол бермеуі қажет, - деді кәсіподақ өкілі өз сөзінде. 

Шара әрі қарай еңбек қорғау күніне орай өткен байқауларда сыннан сүрінбей өткендерді марапаттауға жалғасты. Маңғыстау вагон пайдалану депосы «Үздік қауіпсіз кәсіпорын», Құрық порт станциясының жүкті және багажды қабылдап тапсырушысы Раушан Мамаева «Үздік білім иесі», Маңғыстау локомотив депосы бастығының орынбасары Амандық Аралбеков «Үздік басшы» аталымы бойынша марапатталса,  «Ең жақсы санитарлық-тұрмыстық бөлме» Өзен станциясының пойыз құрастырушы бригадасының бөлмесі, «Ең үздік ас қабылдау бөлмесі» Бейнеу станциясының ас бөлмесіне бұйырды. 

«Үздік бейне-нұсқама» деп Еламан Бақтығалидың, пойыз құрастырушылар еңбегіне қатысты «Үздік бейнефильм» Маңғыстау станциясының, пойыз қабылдаушылардың қауіпсіз еңбек тәсілдерін көрсету бойынша «Үздік бейнефильм» Болашақ станциясы ұсынған видеороликтер таңдалды. Сонымен қатар еңбекті қорғау саласындағы адал жұмысы үшін ТД-2 еңбек қауіпсіздігі және еңбекті қорғау жөніндегі инженер Көбейсін Өтенов, Бейнеу техникалық қызмет көрсету пунктінің еңбек қауіпсіздігі және еңбекті қорғау жөніндегі инженері Жексенбай Тұрмағанбетов және техникалық инспекторлар марапатталды. Номинация иегерлеріне диплом және ақшалай сертификаттар табысталды.

«Әке, үйге аман оралуыңды күтудеміз!» деген тақырыпта өткен балалар сурет сайысының жеңімпаздары мен қатысушылары да сыйлықсыз қалмады.

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды