Теміржолшылар күні қарсаңында ардагерлерге құрмет көрсетілді
![](https://rail-news.kz/uploads/2023/08/01/DwhNSdHPEpGhnXSgKo19pIcJ1VRN5SFwn0tQaeFh.jpg)
![](https://rail-news.kz/img/noimg.png)
Қызылорда облысы бойынша меншікті тілші
Теміржолшылардың кәсіби мерекесі қарсаңында Қызылорда магистральдық желі бөлімшесінің басшылығы мен кәсіподақ ұйымы алдымен аймақ темір жолына еңбегі сіңген ардагерлерді құттықтауға асықты.
![](https://rail-news.kz/uploads/attachments/img-20230727-wa0027-64c884bf73df5.jpg)
Олардың қатарында кезінде Қызылорда жол бөлімшесінің тізгінін ұстаған белгілі теміржолшы Аралбай Дүйсенов, техникалық бөлімді басқарған Мадина Тұрсын, бөлімшенің есеп-қисабын жүргізген Айнагүл Айжаркенова, ұзақ жыл қауіпсіздік ревизоры қызметін атқарған Шәміл Мүбарак пен Данышпан Асанов бар. Сонымен қатар облыс орталығына алыс-жақын бекеттерде тұратын зейнеткерлер де назардан тыс қалмақ емес, мереке қарсаңында барлық ардагерлерге құрмет көрсетіліп, арнайы сый-сияпат жасау көзделуде.
![](https://rail-news.kz/uploads/attachments/img-20230727-wa0020-64c884c60c2b4.jpg)
Жалпы, аймақ теміржолшыларының арасында үлкенге құрмет көрсетіп, қамқор болу дәстүрі қалыптасқан. Айтары көп аға буынның басын қосып әңгімесін тыңдау берік ұстанымға айналған.
– Зейнеткерлердің басым бөлігін бөлімшеге шақырып бас қосып, құрмет көрсеттік. Бөлімшеде өткен кездесуге түрлі себептермен келе алмағандардың отбасында болып құттықтап, кәсіподақ ұйымы тарапынан әзірленген сый-сияпатымызды беріп баталарын алдық, – деді кәсіподақ ұйымының төрайымы Ажар Тілеуқызы.
![](https://rail-news.kz/uploads/attachments/img-20230727-wa0006-64c884f8721ce.jpg)
![](https://rail-news.kz/uploads/attachments/img-20230727-wa0023-64c884fd29d34.jpg)