Еңбек озаттары құрметке бөленді
Қызылорда облысы бойынша меншікті тілші
Тәуелсіздік күніне орай Қызылорда магистральдық желі бөлімшесіне қарасты Шорнақ пен Сексеуіл станциялары арасындағы салалық мекемелердің бір топ қызметкері «Қазақстан темір жолына-120 жыл», «Адал еңбегі үшін» және «Үздік маман» төсбелгілерімен, құрмет грамоталарымен марапатталды.
Әріптестерін мерекемен құттықтаған Қызылорда магистральдық желі бөлімшесінің директоры Ербол Сәулебеков теміржол саласының дамуына қомақты үлес қосып отырған Сыр бойының майталмандары биылғы жылды да табысты қорытындылағалы отырғанын жеткізді.
«Адал еңбегі үшін» төсбелгісімен Қызылорда жол дистанциясының өткел кезкешісі Гүлнәр Смайлова, Қызылорда сигнализация және байланыс дистанциясының СОБ аға электромеханигі Базархан Сақбаев марапатталды. Ал биыл алғаш рет тағайындалған «ҚТЖ» ҰК» АҚ дамуына қосқан ерекше үлесі үшін» төсбелгісімен Қызылорда магистральдық желі бөлімшесінің бас маманы Марат Шайжан марапатталды.
Бөлімшенің экономика бөлімінің жетекші инженері Берік Басанов пен Қызылорда жол дистанциясының телім бастығы Нұрболат Сақтағановтар «Үздік маман» атанды. Сонымен қатар «Қазақстан темір жолына-120 жыл» медалін жол саласының маманы Ақылбек Әбілдаев, заң бөлімінің басшысы Бақытжан Пірекеш, Шиелі өрт сөндіру пойызының бастығы Арнауыт Садық, Қазалы қалпына келтіру пойызының жолсерігі Күмісай Өмірзақ, Қызылорда вокзалының анықтама кезекшісі Рая Қуандықова ие болды. Қызылорда магистральдық желі бөлімшесі бастығының алғыс хатымен Айберген Садақбаев, Арман Жиенбаев, Камиля Ахметова, Жомарт Балтабаев Гүлжайна Өтепова, Салтанат Тасыбаева марапатталды.
