Жолда қалған жолаушылар пойызбен жеткізілді

Аймақтар
27.01.2025, 11:01
Нұрлыбек Досыбай

Түркістан облысы бойынша меншікті тілші

Қаңтар айының үшінші онкүндігі Түркістан облысында ауа-райы күрт өзгеріп, бірқатар республикалық маңызы бар тас жолдардың жабылуымен басталды. Патрульдік полиция өкілдері автомобиль жолдарында орын алуы мүмкін апаттың алдын алу мақсатында қосымша шаралар қабылдап, Шымкент – Тараз аралығындағы «Машат» пен «Шақпақ баба» асуындағы қозғалысты толық тоқтатты.

Нәтижесінде жол жабылған тұсқа жақын орналасқан Түлкібас вокзалының жүктемесі күрт күшейді. Бауыржан Рысқұлбекұлы бастаған вокзал ұжымы үшін бұл жылда қайталанатын үйреншікті жағдай, сондықтан едел-жедел әрекетке көшті.

Вокзал қызметкерлері әкімдік пен төтенше жағдайлар жөніндегі бөлім мамандарымен бірлесіп жолда қалған жолаушылардың пойызға отыруына жағдай жасауға кірісті.    

– Таңғы сағат тоғызда-ақ вокзалға жан-жақтан жиналған жолаушылар лық толды. Сол мезетте келген «Қызылорда-Петропавл» бағытындағы №76 пойызға 40 жолаушыны отырғыздық, – дейді жетекші инженер Жазира Жарылқапова.

Сол сияқты «Қызылорда-Көкшетау» пойызына – 5, «Шымкент-Астана» пойызына – 110, «Шымкент-Алматы» пойызына  – 60, «Семей-Қызылорда» пойызына 25 жолаушы отырғызып, бір тәулікте 240 жолаушыны өз бағыттары бойынша аттандырған.

– Жолаушылардың дені Алматыға қарай бағыт алған. Оларға қолымыздан келгенше қол ұшын созып, барынша жағдай жасадық. Мүмкіндік болғанда пойызға салып жіберіп отырдық.  Ал оған дейін жылы жерге кіргізіп, ыстық шай ұсынып, ас-сумен қамтамасыз еттік, – дейді вокзал бастығы Бауыржан Рысқұлбекұлы.

Айтуынша, шағын вокзал ғимаратына жолда қалған  жолаушылар сыймаған соң іргедегі станция мен вагон пайдалану депосының техникалық сабақ өтетін кабинетіне де кіргізген. Тек вокзал ұжымы емес, Түлкібас станциясының бастығы Сералы Әлмәмбетов пен техникалық күтім қосынының бастығы Нұржан Жаңбырбайұлы бастаған теміржолшылар тарапынан да жолаушыларға ыстық шәй мен ас-су да ұйымдастырылған.

«Қырсыққанда қымыран іриді» демекші, тап сол боранды күні жарық сөніп, касса жұмыс істемей қалған. Вокзал кезекшісі Ағабек Ербол мобильді қосымшаны пайдалану арқылы жолаушылардың билет алуын шебер үйлестірген.

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті